AD1
الرئيسية / المقالات /
12697 مشاهدة29 يناير 2017

5 نصائح لترك انطباع مميز عنك لل HR اثناء المقابلة الشخصية - STJEGYPT

5 نصائح لترك انطباع مميز عنك لل HR اثناء المقابلة الشخصية - STJEGYPT

اكثر من %70 من ال HR بيقرروا نتيجة ال Interview مبدئيا بعد اول 5 دقائق!
ازاى توصل لل HR انطباع ممتاز عنك اثناء المقابلة الشخصية؟!

فى 5 حاجات هتساعدك تترك انطباع مميز لل HR اثناء المقابلات الشخصية:

1- مظهرك:
طريقة لبسك وتنسيقك لملابسك هيساهم بشكل كبير فى تكوين فكرة عامة عنك,
حاول تلبس Formal او Semi Formal واخرك Smart Casual

2- لغة الجسد Body Language: كل حركة هتعملها هتوصل انطباع معين عنك,
- حافظ على تواصل العين Eye Contact لان ده هيوضح ثقتك بنفسك
- لو هتسلم/ هتسلمى بأيدك يبقى تسلم/ تسلمى "زى الرجالة" بشكل محترف
- اقعد وانت فارد ضهرك بشكل مستقيم من غير ما تتمرجح بالكرسى او تتحرك بيه
- متربعش ايدك لان ده بيدى انطباع سلبى او عنك او انك بتدافع او مش متفق معاه
- ابتسم معظم الوقت وانت بتكلمه او بتسمعله بشكل مناسب من غير ما تبقى Over

3- اللباقة والذوق العام:
فى ذوقيات عامة لازم تكون عارفها وتحافظ عليها فى المقابلة زى.....
- متدخلش المكتب او تقعد على الكرسى الا لو قالك اتفضل
- متحطش مفاتيحك وموبايلك على مكتبه اول ما تدخل لانك كدا بتحتل مكانه بقلة ذوق
- لو غلط او اتخلبط فى معلومة عنك متحرجوش وتحسسه انه غلط
- متقاطعش كلامه او تحاول تثبت وجهة نظرك بالعافية

4- طريقة كلامك وتقديمك لنفسك:
- اتكلم عن مؤهلاتك ومهاراتك اللى ليها علاقة فقط بالوظيفة وممكن تفيد الشركة
- اتكلم بأختصار من غير ما تطلع برا الموضوع
- وضح انجازاتك السابقة واتكلم عن ايجابيات شغلك او شركتك السابقة

5- طريقة اجابتك عن الاسئلة:
- حضر موقف تحكيه عشان تثبت كل حاجة عملتها او مهارة عندك
- متحورش وتلف ودور لان ده هيدى انطباع سىء عنك
- متحاولش تكدب لان الاسئلة بتتكرر بشكل تانى وكدبك هيبان
- لو السؤال مش واضح اطلب اعادة التوضيح بشكل كويس

فى الاخر ال HR ده بنى ادم لو خد عنك انطباع كويس كشخص هيزود من فرصة وصولك للمرحلة اللى بعدها....

الانطباع الجيد عنك هيساهم بنسة كبيرة فى حصولك على الوظيفة او التدريب

المقابلة الشخصية


Share

Suggestions

AD1

Back to Top