AD1
الرئيسية / المقالات /
4660 مشاهدة01 فبراير 2017

قواعد الـ Inbound Marketing الخمسون - STJEGYPT

قواعد الـ Inbound Marketing الخمسون - STJEGYPT

قواعد الـ Inbound Marketing الخمسون

من اول ماسمعت الجملة دى " الـ Inbound أسلوب حياة أو علم ينفع يتطبق على 99% من الـ Industries " و هى لزقت فى دماغى .. الفكرة كلها هو انت فنان قد ايه عشان تعرف تطبق الـ Inbound على اي Industry او على اي حاجة فى الحياة عموما ، و هنا فيه سؤال مهم هى دماغك اصلا Inbound ولا لا ؟ هل انت فاهم الطريقة اللي بيفكر بيها العلم ده ولا لا ؟

ملحوظة مهمة : لو فهمت و نفذت كل حرف فى الـ Article دى هتلاقى نفسك من غير ما تحس بقيت Inbound Marketer و هتلاقى نفسك بتبص على كل حاجة بطريقة Inbound 

نبدا بقا الـ 50 قاعدة أو نصيحة أو زي ما تسميهم انت ، المهم تفهمهم كويس و تعمل بيهم

1- الـ Community هو الحل

الفكرة مش انت عندك كام Like ولا كام Follower ، مش هتبقى اجمد واحد فى الدنيا يعنى لو عندك 20,000 Subscribe على الـ Blog بتاعتك .. الفكرة كلها أنت عندك كام واحد بيحبك فعلا و بيستفيد منك و انت ليك تاثير حقيقى فى حياته .

2- الـ Buyer Personas و كله ماشى

زمان كنت بتبيع اي حاجة " لكل حد " لكن دلوقت ماينفعش تبقى بتاع كله ، ولا بقا ينفع تكلم كل الناس مرة واحدة ، عشان كده لازم تختار Specific Buyer Personas و تدور على حاجة محددة بالظبط تقدمها للـ BPs اللي انت اخرتهم دول .

3- الـ Customers مصلحتك أولا

انت مش فاتح الـ Business بتاعك عشان تتكلم عن نفسك ولا عن الـ Products أو الـ Services بتاعتك بس ، ولا عشان تقول للناس انك تنين مجنح و مفيش حد زيك  ، لازم الـ Customers بتوعك يبقوا أهم حاجة فى حياتك .. أنت اصلا ( المفروض ) فاتح الـ Business بتاعك عشانهم ولا ايه ؟

4- الـ H2H يا اخوانا

أنت مش إنسان الى ولا مكنة ، أنت بنى ادم و بتكلم بنى ادمين زيهم زيك بالظبط ، يعنى سواء كان الـ Business بتاعك B2B ( يعنى Business To Business ) او B2C ( اختصارا لـ Business To Customers ) الاهم انه يكون H2H ( بمعنى Human To Human ) يعنى انسان بيكلم انسان زيه .

5- عندك Purple Cow ولا بتضيع وقت

أوعى تكون Average تحت اي ظرف من الظروف " الـ Average انسان اصلا مش موجود " ، دور على الـ Purple Cow بتاعتك ، لازم يبقى عندك حاجة مدهشة .. حاجة لازم اي حد يشوفها مايقدرش يمسك نفسه من انه يقول الله 

6- يا تـ Add Value يا تطلع بره

انت عشان تأثر فى ثقافة حد لازم تعلمه حاجة ( على فكرة ده اجبارى مش اختيارى ) ، انت اصلا موجود عشان تـ Add Value للـ Community بتاعك .. فلو لاقيت نفسك بتعمل اي حاجة غير دى يبقى اقفلها و أقعد فى بيتكم احسن .

7- كفاية Interruption بقا

لا يجوز ابدا بتاتا دلوقتى انك تطارد الـ Customers عشان تجبرهم يشتروا منك من غير ما حتى تفكر هما هيستفيدوا منك ولا لا ، الـ Permission هو الحل ، و كل ما كان الـ Permission ده قوى كل ما كان احسن طبعا .. يعنى من الاخر حاول تحترم البشر و تحترم نفسك شوية بقا

8- الـ Social Media ليها Power ماينفعش تستهين بيها

ماينفعش تتعامل مع الـ Social Media على انها مجرد Marketing Tool وخلاص ، دى قوة لا يستهين بيها تقدر توقع دول و تبنى دول تشيل وزراء و تجيب وزراء .. اياك تحاول تخبى اي حاجة لانك هتتقفش هتتقفش

9- الـ Social الاول و بعدين الـ Media

الـ Social Media هى علم انك تحبب الناس فيك ، و الناس مش هتحب حد مش على طبيعته معاهم ، يعنى لازم تبقى Sociable مع الـ Fans بتوعك و تنسى انها Media شوية و خليك فاكر انها إسقاط على الحياة الطبيعية و زي ما انت بتحب تتعامل فى الواقع .. عامل الناس على الـ Social Media .

10- ماتخليش حاجة توقفك انك تعمل " Content "

الـ Content Marketing أتقل علم فى الـ Inbound Marketing كله ، و احنا متفقين اننا لازم تعلم الـ Fans بتوعك حاجة محتاجين يتعلموها .. فلو جيت تعلمهم Face To Face الموضوع هيبقى مكلف جدا و احتمالية انتشاره " Viral " شبه معدومة ، عشان كده خلى الـ Content هو اللي يعملهم ، بس خد بالك ان الـ Content هو الشريان الاورطى للجسم لو وقف انت ( كـ Business يعنى ) هتموت .

11- كل ما تسمع أكتر فرصتك فى الفوز هتكبر

خدها قاعدة فى حياتك مش بس فى الـ Inbound دايما اسمع اكتر ما تتكلم ( اسمع عشان تفهم مش عشان ترد .. فيه فرق ) ، و بعدين اصلا الـ Marketing علم إقناع فانت مش هتعرف تقنع حد الا اما تسمع منه كويس ، عشان تعرف توجهله الـ Msg اللي تجيب معاه من الاخر .

12- الـ Transformation Mission أهم منك شخصيا

لو الـ Mission بتاعتك مش Transformation Mission ( يعنى ان يكون سبب وجودك فى الدنيا اصلا تغيير حاجة ما ) يبقى اقفلها احسن … لانك كده غالبا هيكون همك ان تكسب فلوس و خلاص من ورا الـ Customers بغض النظر عن هو استفاد ولا لا ، و بالشكل ده انك Sooner or Later هتموت و وجودك هيقل لحد ما يختفى من السوق بالتدريج .

13- أخرتها ايه " الـ Vision "

لو ماعندكش Vision كبيرة و واضحة ماتحاولش تقنعنى انت هتتقدم خطوة واحدة لقدام ، لانك اصلا مش عارف اخرتها ايه ، يعنى مش عارف لو قعدت تنفذ الـ Mission بتاعتك عشر سنين على الاقل هتوصل ليه .. بلاش تمشيها بالبركة

14- الـ Values هى المحرك اللي هيشغل الشركة كلها

لازم يبقى فيه Values للـ Employees بتوعك تساعدهم فى تنفيذ الـ Mission و الـ Vision اللي انت حددتهم ، و متنساش كمان تخلق جوه الشركة الـ Culture اللي يشجعهم على السحلة اللي غالبا بيبقوا فيها ليل و نهار ;)

15- لازم تبقى فنان و مش اي حاجة تانى

لازم تجرب حاجات يمكن ماتنفعشى و ماتخليش حاجة ولا حد يوقفك مهما حصل ، و اياك تقلد او تعمل حاجة اتعلمت مليون مرة و نتايجها مضمونة لان ده اي حاجة غير الفن ..و عشان تبقى فنان ماينفعش تخاف من الفشل ، لان اللي هيعلمهولك الفشل مفيش حد فى الدنيا كلها هيقدر يعملهولك .

16- ساعد تُسعد

اياك الـ Customers بتوعك يحسوا انك جاى طمعان فى اللي جيبهم ، ساعدهم الاول و غيرلهم حياتهم و هما هيدوك اللي فى جيبهم و اللي فى جيب صحابهم كمان .

17- الـ Inbound محتاج Tools بس مش دى المشكلة

الـ Inbound صعب و تطبيقه محتاج Tools كتيرة منها الغالى و منها الرخيص بس مش دى المشكلة ، المشكلة الحقيقية انك ماتكوش عارف انت عايز توصل لايه بالظبط و بالتالى مش هتعرف تختار الـ tools المناسبة ليك و هتضيع الـ Budget بتاعتك أونطة :)

18- اتكلم عن الـ Benefits و ابعد عن الـ Features شوية

تفتكر لو كل شوية قعدت تقول انا جامد انا جامد ، انا احسن واحد فى الدنيا ، انا … انا الى اخر القصيدة السودة دى انا هاشترى منك ؟! ( ده ممكن يحصل فى حالة واحدة لو انا عندى Instant Need للـ Product بتاعك ، لكن مش هافتكرك تانى ابدا بعد ما اشترى ) يعنى من الاخر الفكرة كلها مش فى انك تقول Features ، الفكرة تتلخص فى الـ Benefits يا معلم قولى انا هاستفيد ايه اما اشترى اللي انت بتبيعه ده !!

19- اخربها و علم الناس

ماينفعش تكتب عن حاجة لمجرد انك فاهم فيها ، لازم تبقى مجربها بنفسك و تطلع للـ Potential Customers بتوعك جزء من الـ Experience اللي طلعت بيها من التجربة دى ، و على راى عمو seth اما قال لو استنيت حد تانى يجى يعمل Case Study على الـ Industry بتاعتك يبقى انت فاتك القطر .

20- خلى الناس هى اللي تتكلم عنك

مهما قولت انك جامد وفحيت محدش هيصدقك لو ماعملتش حاجة تثبت بيها انك جامد فعلا ، اعمل حاجة جامدة و سيب الناس هى اللي تتكلم عنك ، يعنى من الاخر الفعل ابلغ ( حلوة ابلغ دى  ) بكتير من الكلام .

21- عينك على الـ Competitors

احنا بقينا فى زمن لو عينك اتشالت عن الـ Competitors بتوعك للحظة واحدة ، انت و الـ Business بتاعك هتكونوا فى خبر كان ، يعنى من الاخر كده لازم تستحضر صورة روز فى دماغك " انا حاطاك فى دماغى و براقبك و هراقبك " .

22- لو ماكونتش Thought Leader محدش هيعبرك !

فى الـ Inbound Marketing لو كنت أى حاجة غير Thought Leader محدش هيثق فيك بسهولة ولا حد هيفتكرك من اصله .

23- الـ Ads بتجيب هطل

الـ Ads بتجيب هطل ، كل ما تصرف عليها اكتر .. كل ما هتشتغل اقل ، كل ما هتصرف عليها اكتر و لفى بينا يا دنيا  ، و ده لان كل همك انك تقول انك اجمد واحد " انت بتقول ب " و مفيش اي فعل يثبت انك جامد .

24- اصرف Budget الـ Ads صح

بدل ما تصرف فلوس كتير عشان تقول للناس تعالوا اشتروا ، اصرف على Content محترم و قوى و هو اللي هيجيبلك الناس اللي هتشترى

25- خليك جزء من الـ Conversation

حط فى دماغك انك تتكلم مع الناس مش للناس ( انتوا صحاب ) ، يعنى لازم يكون هدفك انك تعمل Relationship مع الـ Potential Customers بتوعك .

26- ماتشغلش مع حد مابيعرفش ياخد قرار

اصلك لو دايما متردد و مذبذب و مش بتعرف تاخد قرار فى حياتك عامة .. قولى ازاى اصلا هتقدر تعمل Testing ( الـ Testing اصلا قرار متهور  ، و بعدين هو الـ Marketing ايه غير شوية Decisions فوق بعض و شوية حاجات تانى كده

27- لو مابتعرفش تحل مشاكلك دور على شغلانة تانية

لان الـ Marketing اصلا موجود عشان يحل مشاكل الناس و يخلى الدنيا مكان احسن و بالتالى لو ماتعرفش تحل مشاكلك الشخصية ، تفتكر هتعرف تحل مشاكل الـ Customers بتوعك .

28- الـ Core Msg " عبر مين قدك "

أهم حاجة تركز عليها هى الـ Core Msg اللي طالعة من الـ Business بتاعك أو منك انت شخصيا او حتى من الـ Employees اللي شغالين معاك و كمان الـ Promoters اللي انت عملتهم .. باختصار كل همسة تخص الـ Business بتاعك لازم تكون طالعة بـ Msg للناس .

29- اللي يتكسف من الـ SM مايجبش منها ROI

أوعى تتكسف من اي حاجة على الـ Social Media مهما كانت  ، و لو عندك حاجة غلط مش عيب ابدا انك تقول للناس عليها بدل ما حد تانى يجى و يفضحك فافضح نفسك بنفسك و ده لان الـ Roi الحقيقى بتاع الـ SM هو حب الناس ليك .

30- لازم تسمع أغنية بحب فى غرامك لـ لطيفة

يا تشتغل صح يا تقفلها و تقعد فى بيتكم احسنلك ، يعنى من الاخر زي ما لطيفة قالت يا ابيض يا اسود ، بلاش رمادى حياة ابوك

31- ماتربطش الحمار مطرح ما يقول صاحبه

انت عايش فى الدنيا دى عشان تضيف حاجة مش عشان تربط الحمار

32- اربط الناس ببعض

الـ Engagement الحقيقى مش ان الـ Fans بتوعك يـ Commentـوا معاك - مع ان ده مطلوب - بس خلى دايما هدفك ان الـ Community بتاعك يـ Engage مع بعضه و فى الاخر انت الكسبان لان اكتر واحد هيربط الناس ببعضها هو اكتر واحد هيكسب و لنا فى الـ Facebook خير مثال .

33- مفيش Risk مفيش رزق

انت لو ماخدتش الـ Risk يبقى مش هتعمل اي حاجة لانك كده هتلجا لحاجات اتعلمت قبل كده و نجاحها مضمون ، و بالتالى - حتى لو كسبت - مش هتنج اي حاجة مفيدة تجيبلك رزقك الحقيقيى 

34- العبرة بالـ Storytelling

فى الزمن ده مطلوب انك تعرف تحكى حواديت و لو مش بتعرف تعمل ده اتعلم يا اخى  ، لازم تربط حياة الـ Potential Customers بحياتك كـ Brand و بيك انت شخصيا لو تعرف .

35- الـ Content الكويس لوحده مش كفاية

ممكن تعمل Content فحيت بس مايجبش همه و ده لان فيه عوامل تانية مهمة قادرة انها تضيع تعبك زي مثلا الوقت اللي هينزل فيه و الـ Channel اللي هينزل عليها .. من الاخر هى معادلة = فن فى كل حاجة .

36- من النهاردة مفيش Customers أنا الـ Customers

دى موهبة مش موجودة عند كتير من الـ Marketers ، بس لازما و حتما و لابد تبقى موجودة عندك ، عشان تعرف تسنجف دماغ الزبون  ، لازم تحط نفسك مكان الـ Customer .

37- الـ Content مش بالساهل كده

دلوقتى بقا اي حد يقدر يعمل Content و مصر كلها بقت Content Creator بس مش اي حد يقدر يبقى جامد و علاًمة فى الـ Content Marketing.. عشان كده لازم تتدرس Psychology ( انا بدات بالفعل اقرا فيه ، لو عايز تبدا معايا قولى نقرا سوا ده لو عايز تبقى جامد فى الـ CM .

38- الـ Branding مهم فى الزمن ده

الـ Branding عبارة انك تبقى جامد + انك تشارك الـ Culture بتاعت شركتك مع الـ Fans بتوعك و لازم تاخد بالك ان كل Marketer عندك او كل Employee فى الشركة لازم يبقى الـ Personal Brand بتاعه قوى ، و كل ما كان قوى كل ما كانت شركتك قوية .

39 - اتفرج على فليم Ratatouille

اوعى تقولى ان ماتفرجتش على فليم Ratatouille لحد دلوقت 

40- ماينفعش يبقى باب النجار مخلع

ماينفعش يبقى باب النجار مخلع باى حال من الاحوال ، اصل لو انت بتقول انك احسن واحد فى الـ Social Media و انك هتظبطلى شغلى و هتحققلى كذا و كذا ، و جيت دخلت على الـ SM بتاعتك لاقتها بلح .. تفتكر هافكر فيك تانى اصلا ؟

41- متبقاش دمل اجتماعى

معلش تعالى على نفسك شوية و أوعى تقلد عشان خاطرى ، أوعى تقلد عشان خاطرى ، أوعى تقلد عشان خاطرى  ، فيه علم كامل اسمه Copy writing ، أسال عمو Google عنه .

42- الـ Blog اصلا حرام

اوعى تعمل Blog الا اما يبقى عندك 1000 True Fan حقيقيين ، لو لسه مش مصدق ان الـ Blog اصلا حلال ، خش هنا

43- الـ Analytics ما بتنهيش

باختصار الـ Analytics معاك مطرح ما تروح و لو وقفت هتبقى أعمى  .

44- اسهل حاجة انك تعمل المستحيل

لو الـ Mindset بتاعك مش كده " It’s quite fun to do the impossible " يبقى سيب الشغلانة دى بلا هم يا راجل .

45- افشل عشان تتنيل تنجح

لو Plan A فشلت ، عادى جدا لسه فيه 25 حرف تانى ، و لو الـ 26 فشلوا عادى برضو ألف حروف جديدة واعمل Plans جديدة لحد ماتنجح

46- الـ Creativity و الـ Innovation هما عنوانك

لو مش عارف تبتكر او تعمل حاجة محدش عملها قبل كده فى الوقت الحالى ( Creativity ) يبقى اعمل الحاجة بطريقة محدش عملها قبلك ( Innovation ) بس خدبالك انك كده ولا كده لازم يجى عليك الوقت ( المفروض اصلا تعمل كده من سعات ما تتولد ) تـ Create .

47- الـ Testing أسلوب حياة

ممكن تجيب ورقة مطبوعة أو خلى الـ Designers بتوعك يرسمولك حزلئوم و تحت صورته الـ Quote العظيمة بتاعه " مش اما اجرب اطلع بعرف " ، جرررررررررررررررب .

48- أوعى تبطل !!

طالما نويت تدخل معجنة الـ Inbound بقى .. يبقى اوعى تبطل " تتعلم ، تـ Analyse ، تعمل Content ، تعلم ، تسمع ، تلاحظ ، تطبق ، تتعلم …………………. " 

49- الـ Smarketing كله كسبان

ماينفعش يبقى Team الـ Marketing فى وادى و Team الـ Sales فى وادى تانى خالص ، لو الوضع عندك كده أحب اقولك " أبشر يا تيمور " و مبروك عليك انت هتلبس فى الحيط قريب .

50- بلاش تطلع ego اللي جواك دلوقتى

ارجوك ماتنقدش حاجة و انت مش عامل حاجة ، اعمل حاجة الاول و بعدين طلع شخصية ego اللي جواك ، على الاقل حتى يبقى معاك الـ Credibility انك تعمل كده .

اخر حاجة احب اقولك ان الـ Inbound Marketer مش انسان عادى ، هو كائن فضائى جاى من الفضاء الخارجى و معاه رسالة مهمة جدا وهى انه يخلى العالم مكان احسن ،و مصدق انه هيغير العالم و ده كده كده هيحصل باذن الله .. و بكرة تشوفوا الـ Inbound Marketer 

يا ترى اتحولت او نويت تتحول و تبقى Inbound Marketer ولا لا ؟

Inbound Marketing


Share

Suggestions

AD1

Back to Top