الرئيسية / المقالات /
6659 مشاهدة01 فبراير 2017

تيم بير نرز لى مخترع الويب - STJEGYPT

تيم بير نرز لى مخترع الويب - STJEGYPT


اتمسك وهو بيخترق أجهزة الجامعة إلكترونيا وهو طالب .. وأصبح صاحب مليون يورو وصاحب لقب شخصية العام لما كبر (مخترع الويب)

تيم بير نرز لى اتولد سنة 1955 فى لندن .. وكان بيتلقى تعليمه الجامعى فى جامعة أكسفورد فى بريطانيا .. وكان دايما معروف باختراق أنظمة الجامعة الالكترونية وهو طالب فتم حرمانه من استخدام أجهزة الجامعة تماما طول فترة دراسته !

تيم كان بيحب الكمبيوتر ومجال تطويره فانضم كاستشارى برامج فى معامل CERN السويسرية واللى تعتبر أكبر معامل للدفع على مستوى العالم .. وخلال 4 سنين قدر ينضم رسميا للعمل فى المعامل دى .. وبعدها أعلن عن إطلاق مشروعه اللى بيضم شبكات الانترنت فى أول سيرفر ومتصفح :D واللى بعدها طوره بوضع رمز WWW. واللى عمل من خلاله أول مواقع خاصة بمعامل CERN على الشبكة ..

بعد دراسات وتطوير لربط الشبكات مع بعض فى معهد MIT اللى بيعتبر الأشهر فى مجال التكنولوجيا على مستوى العالم .. أعلن تيم عن افتتاح اتحاد شركات شبكة الانترنت وأعلن عن مواصفات الشبكة وكيفية التعامل معاها عشان تكون منتج يتقدم لكل الناس فى كل الدول  ومن هنا قدر تيم يخلى *العالم قرية صغيرة ..

تيم غير انه قدر ياخد لقب شخصية العام أو المبتكر الأهم فى القرن أو المليون يورو والتكريمات المختلفة الا انه قدر يقدم حاجة غيرت حياة كل الناس للأحسن .. قدر يكون مبتكر فى الحاجة اللى بيحبها لأنه طوّر نفسه فيها من البداية 

Share

Suggestions

Back to Top