الـــ
dung beetleأو الجعران الحشرة المعروفة الوحيدة إللي بتستخدم المجرة وحركة النجوم ومحاذاتها عشان تعرف طريقها، لو النجوم والمجرة مش واضحة في السماء مبتعرفش تتحرك أو تعرف وجهتها. المصريين القدماء كانوا بيقدسوها (أو فصائل منها، ما نسميها حاليًا الجعران) لأنهم كانوا بيعتقدوا إن الفصيلة كلها ذكور وبيتكاثروا عن طريق إنهم يزرعوا حيوانات منوية في كرة من الفضلات ودي بتخلق الحشرات الجديدة، وبالتالي فكرة إن الذكر يجيب نفسه أو نسخ منه دي كانت شبيهة لفكرة الإله Khepri إللي أيضًا أوجد نفسه وكان كل يوم بيجدد الشمس.
من أقوى الحيوانات على الإطلاق عندها القدرة إنها تجر حاجة أكتر من وزن جسمها ب1141 مرة، للمقارنة، القدرة دي لو عند البشر، الفرد العادي هيبقى عنده القدرة إنه يجر 6 أوتوبيسات بدورين محملين بالناس.ومن أهم الحيوانات في الزراعة، لأنها بتزيل الفضلات بتاعت الأبقار والحيوانات، إللي لو أتسابت بتبقى بيئة للطفيليات والآفات إللي بتدمر الزراعة والحيوانات، وأيضًا بسبب دفنها وإستهلاكها للفضلات، بتحسن السماد في التربة وإعادة تدوير بنيتها.
