AD1
الرئيسية / المقالات /
6049 مشاهدة23 فبراير 2017

بعض المعلومات الضرورية اللي لازم نعرفها كلنا عن السرطان - STJEGYPT

بعض المعلومات الضرورية اللي لازم نعرفها كلنا عن السرطان - STJEGYPT

- في 20 ألف إنسان يومياً بيموت بسبب السرطان، لدرجة إنه أودى بحياة ناس أكتر من الإيدز، الملاريا، الدرن، مجتمعين، وفي 2008 فقط مات 7.4 مليون فرد عبر العالم بسبب السرطان، ما يمثل 13% من مجموع وفيات العالم كلها!
.
- في أكثر من 100 نوع من السرطان ممكن يصيب أي جزء من جسم الإنسان.
.
- السيجارة الواحدة فيها أكثر من 69 مادة كيميائية ليها علاقة مباشرة بالإصابة بالسرطان، والتبغ الموجود في السجاير مسؤول لوحده عن 22% من الوفيات من ضمن كل أنواع السرطان! والشيشة اللي الناس بتستهون بيها تدخينها لمدة ساعة واحد يعادل 100 مرة مخاطر تدخين السيجارة.
خلي وقف التدخين والشيشة مشروع حياتك من دلوقتي.
.
- أشهر 5 أنواع من السرطان عند الرجال هو: الرئة، المعدة، الكبد، القولون، المري وعند النساء الصدر، الرئة، المعدة، القولون، عنق الرحم.
.
- سرطان الثدي والقولون وعنق الرحم ليهم فرص نجاة كبيرة جدا لو تم اكتشافهم مبكرًا، بالتالي الفحص الطبي الدوري مهم جدا مرة كل 6 شهور خصوصا للإناث.
.
- أقل من 5% فقط من حالات السرطان أظهرت ارتباط جيني، بالتالي مش كل واحدة أصيبت بيه أبناءها هيصابوا بيه.
.
- السرطان مش مرض حديث مرتبط بزماننا، بالعكس ده منذ آلاف السنين، ومش بس الإنسان بيصاب بيه وإنما الحيوان وحتى النبات.
.
- العلاج الكيماوي للسرطان مش مؤلم زي الحرق، ولا بيغلي داخل دماغ المريض وبيخليه يتمنى الموت، كل دي إشاعات، بعض الناس بتروج ليها بحسن نية، لكنها خطرة جدا من الناحية النفسية وممكن تخلي المريض ميقبلش بالعلاج ده، وبالعكس حتى تساقط الشعر يمكن تفاديه بكاب طبي متوفر في بعض المستشفيات.
.
- مش بس النساء اللي بيصابوا بسرطان الثدي، الرجال كذلك بيصابوا بيه وبيبقى أكثر خطراً عندهم وتهديد مباشر لحياتهم.
.
رغم كل اللي اتقال ده، في 28 مليون شخص حول العالم أصيبا بالسرطان وتعافوا منه تمامًا.

كتبه : مصطفي درش

السرطان


Share

Suggestions

AD1

Back to Top