هو ليه السما بنشوفها زرقاء رغم انها ملهاش لون ؟؟؟
و ليه الشمس بنشوفها صفرا رغم ان لونها الحقيقي ابيض ؟؟!!
و دول كانوا سؤالين وجيهين سألتهم قبل كده لنفسي و انا ببحلق في السما ساعه عصريه كده
اصلا السما ملهاش لون ، يعني علميا هي عباره عن فراغ معتم كاحل او ( colorless ) ايه اللي يخلينا نشوفها زرقاء ؟!! و الشمس دي نجم متوهج ابيض اللون اصلا لو بصينا عليها من برا كوكب الارض، ليه نشوفها صفرا
و عرفت اجابه السؤالين دول امبارح الحمد لله
السبب بقي يا سيدي يكمن في الغلاف الجوي ، ايوا يكمن .. احنا خدنا زمان ان الضوء الابيض ده فيه 77 الوان اللي هما الوان الطيف السبعه .. اهو الضوء الابيض اللي جاي من الشمس ده بيجي عند الغلاف الجوي و يتحلل .. الغلاف الجوي بقي بيعدي الالوان الي ترددها منخفض بسهوله اوي ( من 430: 540 THz ) .. اللي هي الاحمر و البرتقالي و الاصفر فـ بتخترقه عادي جدا .. تيجي الالوان اللي ترددها عالي تعدي زي الازرق و البنفسجي ( 600 : 750 THz ) يقولها معلش استوب ، حضرتك هتنتشري بالعرض
فيبدا اللون الازرق ينتشر عرضيا في السماء و ده خلانا نشوفها زرقاء
و ده نفس السبب اللي خلانا نشوف لون الشمس صفرا لان اللون الاحمر و الاصفر و البرتقالي ترددهم قليل فوصلولنا بسهوله متشتتوش فشوفناهم بوضوح
كتبه : أحمد عبد المنصف
