من حوالي 3 أيــام دخلت علينا موجـة حر رفعت درجة الحرارة بشكل كبير و مفاجيء و طبعا كعادتنا في الأيــام اللي زي دي إننا بنحب نشرب أي حاجة ساقعة علشان نخفف من حرارة جسمنا لكن الحقيقة مفعول المياه الساقعة و أنت جسمك سخن ليه أضرار كتير جدا علشان كده أبحاث كتير اتعملت في الموضوع ده و كانت النتيجة لو عايز تبرد نفسك اشرب حاجة سخنة !!! طب ده اللي هو ازاي بقي !!
.
الواضح من خلال ملاحظة درجات حرارة الأرض طول السنين اللي فاتت إنها في إرتفاع لأسباب كتير جدا أهمها Global Worming أو الاحتباس الحراري و بالتالي هيصبح من العادي جدا نشوف درجات الحرارة اللي جت مع موجة الحر اللي فاتت بتستمر لأسابيع أو ربما شهور !
.
نتيجة للارتفاع ده ظهرت أبحاث كتير في تأثير ارتفاع درجات الحرارة علي الإنسان و إزاي نقدر نحد من أضرارها و كان بحث أوليه جيي Ollie Jay من جامعة أوتاوه University of Ottawa في كندا واحد من الأبحاث دي -لينك البحث في أول كومنت- و كان عن تأثير المشروبات الساخنة علي جسم الإنسان في الصيف.
.
المهم إيه اللي بيحصل لما تشرب حاجة سخنة في الصيف أو أي يوم حر عموما ؟
وجدوا إن شرب المشروبات الساخنة بتضيف حرارة زيادة علي حرارة جسم الإنسان الطبيعية و بالتالي الجسم بدوره بيحاول يتخلص من الحرارة دي بزيادة كمية العرق اللي بيفرزها عادة للتبريد, الإنسان لما بيعرق يبدأ العرق في التبخير عن طريق إن كل قطرة من العرق بيتحتاج كمية من الحرارة علشان تتبخر و الطاقة ي بتاخدها من الجسم و بالتالي بتخفف من درجة حرارة الجسم علشان كده تأثير شرب الحاجات السخنة علشان يبرد الجسم لازم يكون في امكانية للعرق إنه يتبخر و ده طبعا مش هيتحقق لما تكون لابس ملابس ثقيلة أو بتمنع الجسم من التهوية
كتبه :
أحمد عباس
المصدر
