الرئيسية / المقالات /
16558 مشاهدة25 فبراير 2017

ازاي تشتغل Freelancer من البيت !! - STJEGYPT

ازاي تشتغل Freelancer من البيت !! - STJEGYPT


خلينا متفقين انك لازم يكون عندك مهارة معينه او هتقدم خدمة معينه لحد.. علشان تاخد في مقابلها فلوس
يعني الفلوس مش هتيجي من السما ولا هتبقي مليونير في يومين .
بس الحلو انك هتبقي بتشتغل وبتقبض بالدولار وبتتعامل مع ناس من حوالين العالم .

نبدا
١ - العمل الحر Freelancing
المواقع المشهورة ( www.elance.com  , www.upwork.com  www.freelancer.com  )
فكرة المواقع دي انك بتخش تلاقي تاسكات معروضه ناس محتاجها ٫ في كل المجالات بقي المختلفه وبتقدم عليه وتقول السعر الي انت عايزه ولو اختارك بتبدا تشتغل وتستلم فلوسك !

٢- سوق الخدمات Microtasks Marketplaces
المواقع المشهورة ( www.Fiverr.com   , www.peopleperhour.com )

في النوع ده انت بتخش تعرض الخدمه بتاعتك بالسعر الي انت عايزه ولما يجيلك طلب بتسلمه يعني مثلا (انا هعملك ديزاين مقابل ٥٠$ )
الميزه في المواقع دي انك ممكن تبدا علي طول من دلوقتي تبيع خدماتك

٣-التسويق بالعموله Affiliate marketing
فكرة التسويق بالعمولة - محتاجه شويه مهارات في التسويق -
في شركات كتير بتفتح برنامج افيليت باختصار انت بتبقي مهمتك انك تساعد الشركه تبيع اكتر وبتاخد نسبه علي كل بيعة !
وهتتفاجا ان اغلب المواقع الكبيره وكمان الصغيره عندها affiliate program محترم

٤- الاعلانات Ads

اشهر نوع ( Google adsense او Youtube partnership program )
الفكرة ببساطه انك لو عندك ترافيك (علي موقعك او قناة اليوتيوب) تقدر تحوله لفلوس عن طريق انك تسمح لجوجل انها تحط اعلانات عليها
-- ايوه يعني كل مره بتشوف اعلان علي اليوتيوب انت بتكسب صاحب الفيديو

٥- اعمل Survey
في موقع مجربه شخصيا في مصر اسمه
www.helionresearch.com 
فكرته انك بتاخد تاسك زي انك تنزل محل في مول قريب منك تساله كام سوال وتشوف رد الناس ايه والاسعار عامله ازاي ومعلومات من النوع ده
اي حد ممكن يشتغل عليه بس اهم حاجه انك تلحق التاسك وكمان انك تقدم التقرير صح ومتكروتش
المصدر / Mohamed Al Zalabany

Share

Suggestions

Back to Top