الرئيسية / المقالات /
10012 مشاهدة10 يوليو 2017

13 حاجة تكتسبهم علشان تلاقي فرصة جيدة - STJEGYPT

13 حاجة تكتسبهم علشان تلاقي فرصة جيدة - STJEGYPT


متطلبات سوق العمل فى 2017 .
تجهز نفسك ازاى عشان تتقبل فى اى وظيفة

13 حاجة اتعلمهم و طبقهم
────────────
1 } متعلم ذاتى Self learning
────────────

بتقدر تتعلم اى حاجة لوحدك و مش محتاج حد يدرسهالك . مفيش شركة عايزة تدفع فى تعليم موظفين و المعظم عايزة ناس جاهزة و updated بكل ما هو جديد فى المجال

────────────
2 } متعدد القدرات Multi Potentiality
────────────

متخصص فى مجال واحد او اتنين و لكن متعدد الامكانيات و تقدر تعمل اكتر من حاجة . مش المقصود هنا multi tasking بانك تعمل اكتر من حاجة فى وقت واحد لان دا اثبت فشله و بقى نقطة ضغف . و لكن متعدد القدرات المقصود انك بتفهم فى اكتر من مجال و الشركة تقدر تستفيد منك فى اكتر من قسم و تقدر تعتبرك joker لو حصلت ازمة او يمسكوك قسم جديد عشان هتقدر تتكيف عليه و تتعامل معاه .

────────────
3 } كوتش لنفسك  Self coaching
────────────

ببساطة تقدر تتغلب على نقط ضعفك و تطور من اداءك و تزود انتاجيتك و نقط قوتك بنفسك . انت كوتش نفسك و مسيطر تماما على حياتك , اقرى فى life coaching و business coaching و حاول تطبقه على نفسك و شركتك

────────────
4 } وعى ذاتى  Self awareness
────────────

تبقى عارف كويس انت مين داخليا . و عايز توصل لفين . داخليا المقصود بيه انك تبقى على دراية تامة بشخصيتك . و نمطك الشخصى . مهاراتك . قدراتك مواهبك قيمك. نقط ضعفك و قوتك . احتياجياتك و رغباتك , و عواطفك و اهتماماتك . كل كلمة من دول لازم تبقى عارف رد ليها بناء على ملاحظة و تجربة و تقييم

────────────
5 } وعى عام  General Awareness
────────────

تبقى عارف حاجتين . اولهم سوق العمل بتاعك متطلباته ايه و ازاى تنافس فيه و تقتحمه . و ثانيا تبقى عارف كل حاجة عن الشركة اللى مقدم عليها . رؤيتها رسالتها قيمها . نوع البيئة جواها عامل ازاى . الهيكل التنظيمى . التواجد فى السوق . المنافسين و الشركاء . نظام العمل و الاجور و غيره .
────────────
6 } تسويق شخصى  Personal branding
────────────

تكون عامل لنفسك اسم و براند . التسويق الشخصى هو اول جملة بتتقال عليك لما يجى اسمك و مشهور بيها . لازم تكون فى حاجة ايجابية و مفيدة للمجتمع و مؤثرة بشكل كبير . و يكون تواجدك على linkedin قوى جدا و عندك اكتر من 500 connection و سمعتك كويسة و مشهود ليك بتخصصك و تمكنك من المجال .و دا في حد ذاته هيسهل من وصول الشركات ليك و اصطيادك لتعيينك

────────────
7 } الاحترافية  Professionalism
────────────

احتراف تام . من اول ال CV بتاعك يبقى على المعايير العالمية . و Formal mail اللى بتخاطب بيه الشركة . و General appearance و هيئتك العامة تبقى شيك و ملائمة لجو الشركة . و عندك etiquette فى التعامل . بتحترم مواعيدك و بتسلم التاسكات اللى عليك و جد تماما فى شغله و بتعرف تفصل الامور الشخصية عن الامور المهنية .

────────────
8 } اتقان تام للغة  Language fluency
────────────

كلغة انجليزية فانت لازم تبقى متقن تماما ليها فى الاربع مهارات بتوعها سواء كانت listening speaking writing reading , و كل مكان معاك لغة تانية كل مدا بيزود من فرص قبولك و تميزك و قبولك للتعين فى البلد اللى بتتقن لغتها

────────────
9 } التفكير النقدى  Critical Thinking
────────────

و دى المهارة اللى بيتراهن عليها السنين الجاية انها هتبقى المهارة رقم 1 فى العالم المهنى . و المقصود بيها انك تبقى بتعرف تحلل الامور كويس جدا و تاخد قارارت سليمة و بتعرف تكتشف العيوب و المميزات و تتنبا بالمستقبل بناء على الحاضر و الماضى و الدلايل المنطقية . و دى بيندرج تحتيها problem solving و decision making و analytical skills كلهم هتنوب عنهم التفكير النقدى

────────────
10 } الذكاء العاطفى  Emotional Intelligence
────────────

و هو اربع مراحل انك تعرف انت مين . و تسطير على مشاعرك . و تعرف تقرى مشاعر الاخرين عشان توصل لاخر مرحلة و هو التواصل الفعال معاهم . و بيندرج تحتيه حاجات مطلوبة زى attention الانتباه و focus التركيز مع التحليل . دا غير انه نوع من انواع الذكاء

────────────
11 } احتراف التكنولجيا
technology and technical  professional
────────────

العالم كله بيتجه للتكنولوجيا . فلازم تبقى محترف تماما حاجات اساسية زى internet research و software programs اللى خاصة بشغلك . و على دراية بلغات البرمجة و انظمة التخزين الوهمى و غيرهو من التطورات التكنولوجية لان دا بيزود من وعيك بطبيعة الشركة اللى انت فيها حتى لو مش شغلانتك الاساسياة . و طيبيعى جدا تبقى excellent فى برامج مايكروسوفت و ما شابها من برامج بس بالتجربة العملية مش بشهادة ICDL المنقرضة

────────────
12 } عندك مسئولية اجتماعية social responsibility
────────────

الشركات مش عايزة الشخص اللى بيهتم بنسه و بس . عايزة الشخص المتطوع المؤثر فى مجتمعه بمشاريعه و افكاره . اللى عنده استعداد يتعلم عشان يفيد غيره لان دا بيحقق ربح للشركات و بيعفيها ن الضرايب و بيخلق جو عمل مثالى غير تقليدى . عشان كدة volunteering مهم جدا جدا لصورتك قدام الشركة مستقبلا

────────────
13 } التكيف و المرونة و التطوير

────────────

شخص قادر على التكيف مع اى تغيير . مرن مش متمكسك و متعصب ليه . المتفتح على ثقافات مختلفة " بتبقى ميزة للناس اللى اخدت scholarships برة". و قادر انه يطور من الحاجة بقدراته البحثية و creative thinking بتاعه . سواء تطوير منتج او منهج او تطوير اداء المؤسسة ككل . و دا هيتطلب من الشخص انه يكون عنده دراية ب management perfomance او تقييم اداءه عشان يسعى لتطويره

▬▬▬▬▬▬▬▬▬
▬▬▬▬▬▬▬▬▬

دا الشخص ال Unique اللى ببساطة لما بيدخل انترفيو
بيعرف ( يسعر نفسه ) و بيقدر يتكلم عن (Added value ) اللى هيقدمها للشركة و عنده من القدرات ما تؤهله لاضافة القيمة دى . دى عقلية مدير و CEO مؤسسة مش بس موظف عادى

و اللى عايز يقتحم سوق العمل فى 2017 لازم يسعى بجد انه يكتسبهم
كتبه : أحمد مصطفي

Share

Suggestions

Back to Top