AD1
الرئيسية / المقالات /
1614 مشاهدة30 يوليو 2017

آداب يجب مراعاتها عند محاولة الاتصال ببعضا البعض - STJEGYPT

آداب يجب مراعاتها عند محاولة الاتصال ببعضا البعض - STJEGYPT

لما نتصل بحد ع الموبايل فيه أداب لازم نراعيها .. لأننا مش بنبقى عارفين حال الشخص اللى بنتصل بيه فاضى ولا مشغول، زعلان ولا فرحان، سليم ولا تعبان .
ومنها :
- لو مردش أو كنسل مينفعش لأى سبب نتصل أكتر من مرتين ورا بعض،ومينفعش تتصل 5 أو 6 مرات فى نفس اليوم .
- لو الامر عاجل جداا نبعت رساله نصيه انك محتاج تكلمه عشان كذا وكذا .
- لو هنتكلم فى موضوع طويل لازم نسأل ف بداية المكالمة اذا وقته يسمح ولا لأ
- لو طلع مش مسجل الرقم بلاش نضيع من وقته نص ساعه فى كلام من عينة (فكر كده ، طب أفتكر، معقول مش عارفني) .
- اذا كنت هتبلغه بمصيبه فلازم تتحرى حاله وتتأكد ان الوقت مناسب لأبلاغه بيها .
ونفس الكلام بالنسبه لرسائل الفيس بوك والايميل والواتس :
- اذا بعت رساله وشافها ومردش التمس ليه العذر
- اذا اتاخر عليك كذا يوم بلاش تتقمص، يمكن مشغول ونسي، ابعت رساله بلطف فكره بطلبك،
- عادي ان حد يكون أون لاين وميردش عليك لان دلوقتي ناس كتير شغلها بقي متعلق بالفيس بوك والواتس وبيبقي عندهم ضغط رسايل
- لما تكون محتاج حاجه ادخل ف الموضوع على طول بلاش مقدمات وتقول السلام عليكم وتستني الرد .. وترد على الرد .. مش كل الناس عندها وقت للشات ، أحسن طريقه هي : "السلام عليكم، ازيك، انا محتاج كذا كذا"
وأخيرا : أحنا بنكلم أو بنبعت للناس وقت ما تكون ظروفنا تسمح بده فهم كمان من حقهم يردوا وقت ما ظروفهم تسمح حتي لو بعد كذا يوم، ومش كون ان حياة حضرتك هادية وروتينه فده مش معناه ان كل الناس عندهم نفس النعمه الى ربنا سبحانه وتعالى انعم عليك بيها، والله فيه ناس حياتها مختلفه وزحمه عنك وبيبقي غصب عنهم .

جومانا سمير

آداب

الاتصال


Share

Suggestions

AD1

Back to Top