بعض الأفلام اللي بطلها عبقري شبيه بJohn Nash في A Beauitful Mind - STJEGYPT
إقتراحات لأفلام السهرة. لو كنت شفت فيلم A Beautiful Mind وحبيته، أو حتى مكنتش شفته وبتحب تتفرج على أفلام فخامة وعظمة، الأفلام دي مينفعش تفوتك. بعض الأفلام اللي بطلها عبقري شبيه بJohn Nash في A Beauitful Mind، أغلبها مبني على قصص عباقرة حقيقيين. . • Pawn Sacrifice مستوحى من قصة Bobby Fischer وعبقريته المخيفة من أعظم من جلسوا على طاولة شطرنج في التاريخ . • The Theory of Everything من قصة حياة العبقري Stephen Hawking وحياته الإعجازية وإنجازاته الخارقة ومعاناته الأليمة هو وزوجاته خلال حياته . • The Imitation Game من قصة حياة واحد من أكبر العباقرة في تاريخ الكوكب أيضًا وأبو علوم الكمبيوتر والكمبيوتر Alan Turing وبطولته في الحرب العالمية الثانية بفك طلاسم آلة التشفير الألمانية Enigma مما كان سبب أساسي في نصر الحلفاء (لأنه مكنهم من معرفة أماكن الغواصات الألمانية المدمرة - الU-boats -وبالتالي تفاديها أو تدميرها بحرص لأنها كانت أكبر كابوس ألماني للحلفاء.) . • Frida من قصة حياة العبقرية المجنونة Frida Kahlo اللي عانت من شلل الأطفال وجميع محن الدنيا ولكن كانت مازال بداخلها القدرة إنها ترسم وتحب الحياة وتبدع (وللعلم أغنية Viva La Vida بتاعت Coldplay مستوحاة من أحد لوحاتها بسبب إعجاب المغني الأساسي Chris Martin بقوة إرادتها وإقبالها على الحياة على الرغم من كل معاناتها.)
. • Good Will Hunting من أعظم الأفلام في تاريخ السينما ومن جواهر حقبة التسعينات الذهبية الأسطورية في هوليوود. في رأيي الشخصي Matt Damon صعب جدًا يعمل دور زيه مرة أخرى، وطبعًا روبن ويليامز لا يحتاج أي كلام . • The Aviator مستوحى من قصة حياة الطيار ومنتج الأفلام المهووس Howard Hughes. في الفيلم دا هتشوف واحدة من درر التعاون بين عبقري التمثيل Leonardo DiCaprio وأسطورة الإخراج Martin Scorsese. الفيلم من أفضل ما عالج الهوس بالكمال في تاريخ السينما. . • Catch Me if You Can مستوحى من حياة النصاب العبقري Frank Abagnale Jr. أتفرج وأعرف معنى المعلمة في النصب. بطولة دي كابريو وتوم هانكس وإخراج ستيفن سبيلبرج. يعني مفيش حاجة تقال بعد كدا. . • Pollock مستوحى من حياة أحد أعلام الفن الحديث Jason Pollock. الفيلم دا في تحضيره الممثل Ed Harris عمل واحدة من أكثر التحضيرات الجنونية على الإطلاق. عكف 10 سنوات كاملة يحضر للفيلم ويشتغل عليه وعرف كل ذرة معلومات ممكن معرفتها عن الرسام وبنى ستوديو كامل عنده في البيت مشابه لستوديو الرسام الأصلي وبدأ يشرب نفس سجايره ويلبس نفسه ملابسه ويعمل كل شيء مطابق لذلك الرسام ويحبس نفسه في البيت لشهور ليصبح نسخة مطابقة %100 منه . • Pi فيلم عبقري من مخرج عبقري Darren Aronofsky اللي جلب للسينما تحف مثل Black Swan وRequiem for a Dream وThe Fountain وJackie وغيرهم كتير. . مشاهدة ممتعة. كتبه : محمود مهدلي و ده فيلم لأحد افلامه The Imitation Game
