خلينا نقول إنه من وقت مالبيزنس بيقرر إزاي وفين هينافس ، وبيبدأ يحط خططه الرئيسية اللي بناءاً عليها بتتحدد الـMacro Objectives
أو الأهداف العامة اللي بيشتغل علشان يحققها ، بيبدأ دور الـ HR يظهر من خلال انه يطور وينفذ مجموعة من السياسات والخطط والبرامج اللي بتنتج وبتطور كفاءات Competencies
أو مهارات الأفراد اللي موجودين في المكان علشان البيزنس ينجح. زي مثلاً لما تنتج
Service-oriented employees
موظف بيقدم خدمة فوق الممتازة للعملاء بتوعه أو تنتج Idea Leaders
يعني موظف عنده قدره على تطوير أفكار و
تطبيقها لخدمة البيزنس ، كفاءات الناس دي هي جهد الـ HR people في أي شركة .
*
بناءاً على كده مدير الموارد البشرية بيعمل حاجه اسمها
Workforce Requirements
ودي بيجاوب فيها على سؤال واحد وهو / ايه المهارات الفنية والسلوكية والقيادية اللي لازم تكون موجودة عند الناس علشان ننجج في المنافسة ؟ علشان الـ HR يبني النظام ده ، بيستخدم مجموعة أدوات زي الـ Strategy Map أو HR Scorecard.
*
باختصار ، Strategy Map هي طريقه ترتيب تنازلي للشغل ، بتحط فيها هدف عام وبعدين تعمل Work Breakdown Structure
يعني بتكسر الهدف الرئيسي ده لمجموعة مهام تحتيه والمهام دي لمجموعة مهام أصغر منها ، وتبدأ تشتغل في الأول على المهام الصغيرة وانت طالع .
*
الـ HR Scorecard
هي طريقه بتدير بيها أداء الموظفين وبتعملها Alignment يعني تدمج الأداء ده وتربطه بالأهداف الفرعية والرئيسية وتاخد Corrective actions
يعني خطوات تصحيح سريعة في حالة لو المهام دي مش مربطة مع الـ direction اللي البيزنس مرسومله انه يمشي فيه.
*
ده تصور مبسط عن دور الـ HR في السريع ، المرات اللي جايه نبدأ ندخل في التفاصيل
كتبه : أحمد حمدي شعبان
