دكتور Walter Lewin .. بروفيسور فيزياء في جامعة MIT ..
أها هو اللي في الصورة ده :D
أعظم دكتور شوفته بي
شرح فيزياء في حياتي و مش هشوف زيه .. الراجل ده انا لو
كتبت فيه
كتاب مش هوفيله حقه
صاحب المقولة الرائعة :
( teachers who make physics boring are criminals )
المُعلمين اللي بيجعلوا من الفيزياء شئ ممل .. مجرمين !
من وجهة نظري، علم الفيزياء هو أمتع علم ممكن تدرسه في حياتك، لانه في الأصل مسموش علم الفيزياء ... اسمه علم الطبيعة.
العلم اللي بيعرفك ان كل شئ بيحصل حواليك ده بيحصل لسبب ما .. مفيش حاجه اسمها هي كده!
العلم اللي يفهمك الطبيعة اللي حواليك دي بتشتغل ازاي .. العلم اللي لو فهمته هتقدر تفهم حاجات كتير اووووي في حياتك.
للاسف العلم ده في بلدي بيتدرس غلط .. بيتدرس عشان الطلبة تدخل تحل وتلم درجات.
اذكر اني كنت سألت مدرس قبل كده عن جزئية في منهج الفيزياء اللي عليا و كان رده:
" سيبك من دي مبتجيش في الامتحانات " !!!
للاسف ده بقي حالنا .. عشان كده اغلبنا كره العلم ده رغم متعته التي لا توصف.
دكتور والتر .. اللي هيشوف محاضراته المتصورة هيشوف تدريس الفيزياء كما ينبغي أن يكون :D
الراجل ده ممكن يجيب عجلة يدخل بيها المحاضره ممكن يجيب كاوتش عربية .. ممكن يجيب الاجهزة اللي موجوده في المناهج قدام الطلبة في المحاضره .. ممكن يجيب كتلة ضخمة لو خبطت في وشه هتدمره و يعرض حياته للخطر في سبيل انه يثبتلهم قانون قدام عنيهم،
ممكن يتعلق في حبل مربوط في السقف او يعمل مرجيحة، عشان ي
شرحلهم نظرية ما .. باختصار محاضرته بتحس انك قاعد في حاجة زي ورشة او سرك مش قاعد في مدرج !
الراجل ده حرفيا بيتشقلب و بيقلب بهلوان عشان يوريك الفيزياء حواليك مش في ال
كتب .. بيبدأ معاك من اول ما شافوا الظاهرة و ازاي قدروا يفسروها بالقوانين .. بيخليك تقتنع بالقانون و تبقي فاهم جه منين مش تحفظه .
ساعات كنت بتفرج علي محاضرة ليه وعندي امتحان تاني يوم و منفضله من كتر استمتاعي ب
شرحه :D
الراجل ده هيوريك قد ايه العلم ده حوالينا من اول ما بنصحي من النوم لحد ما ننام بس مكناش واخدين بالنا او واخدين بالنا بس مكناش بنسأل ليه .. او لما كنا بنسأل مبنلاقيش اجابة فبنقول هي كده.
الراجل ده نموذج مثالي لدكتور الجامعة اللي بحلم اني اشوفه في جامعاتنا المصرية و العربية لان ساعتها هيبقي حالنا أفضل بكتير اوووي مما هو عليه.
الراجل ده مثلي الأعلي في توصيل العلم .
حتي ياخي اما ألف
كتاب سماه ( For the love of physics )
لكل شخص حابب يدرس الفيزياء في جامعة MIT مع الدكتور الرائع ده وهو في بيته
دي
محاضراته المترجمة اللي لاقتها :
و دي بردو
محاضرات مترجمة أكبر :
و دي محاضراته الكاملة و معاها الـ
subtitles و ده واحد ابن حلال جمع اكتر
200 محاضرة الناس شافوها للدكتور في بلاي ليست واحدة
و ده ابن حلال تاني جمع
316 محاضرة للدكتور .. تقريبا كل فيديوهاته ع اليوتيوب
و دي
القناة بتاعته علي اليوتيوب
أولئك الذين جعلوا من العلم شيئا مملا ، مجرمون
كتابة الاستاذ :
أحمد عبد المنصف
