الرئيسية / المقالات /
3297 مشاهدة24 أكتوبر 2017

الفيسبوك يعلنها | مفاجأة غير سارة لصفحات الموقع الاجتماعي - STJEGYPT

الفيسبوك يعلنها | مفاجأة غير سارة لصفحات الموقع الاجتماعي - STJEGYPT


ال فيس بوك بدأ يقلل من الـ Organic Reach الخاص بالصفحات بشكل ملحوظ وهيوصل في يوم من الايام انه هيقتله تماماً وهيعتمد بالكامل على الـ Paid Reach، وواضح ان اليوم ده خلاص جه!

في تقرير تم نشره امبارح في الموقع الرسمي للجارديان قال ان فيس بوك بدأ اختبارات التحديثات الجديدة الخاصة بالـ Reach في ٦ دول ومنها الى بقية العالم.. ايه هي بقى التحديثات دي؟

مارك زوكيربيرج طلع قال من فترة انه مش عاوز أي حاجة تظهر على الـ News Feed غير البوستات اللي بتهم اليوزر فقط، وانهم بيعملوا على تحديثات جديدة تخلي ميظهرش أي شئ في الصفحة الرئيسية غير بوستات الأصدقاء والمتابعين فقط وكمان البوستات الاعلانية اللي بتبقى متحددة بناء على تارجت.. وده بالظبط اللي فيس بوك بدأ يختبره

حسب الجارديان فيس بوك هيخلي اللي بيظهر في النيوز فيد فقط هي بوستات الأصدقاء والبوستات المدفوعة Sponsored وهيعمل حاجة زي نيوز فيد ثانوي Secondry News Feed هيكون فيه البوستات التانية العادية وده بدوره هيقتل الريتش اكتر مهو مقتول بنسبة تزيد عن ٦٠٪.

٣ دول من الـ ٦ دول بلغو بقوة ان الاورجانيك ريتش عندهم قل بنسة من ٦٠٪ لـ ٨٠٪ وهما صربيا وسلوفاكيا وسريلانكا وانه بقى شبه معدوم!

اللي بيحصل ده هيأثر بشكل كبير جدا جدا على الشركات الصغيرة اللي لسة بتبدأ واللي مش معاهم ميزانية كويسة للحملات الاعلانية .. واللي مبدأش من فترة كبيرة بعمل محتوى كويس وعمل قاعدة جماهيرية هو أكبر خسران ..

مارك طلع وقال من فترة ان هيعمل كل اللي في وسعه علشان يخلي اليوزر بتاعه يكون مرتاح تماما على فيس بوك ويشوف اللي يريحه واللي عاوز يشوفه ويهمه فقط.. فبالتالي اليوزر هو أكتر حد كسبان من كل ده والخاسر الأكبر هي الشركات الصغيرة وكذلك كل الشركات لأن الحملات الاعلانية هتزيد

لازم الكل يبدأ يغير من خطته من دلوقتي..

المصدر من الجارديان

منقول من Creatova

Share

Suggestions

Back to Top