من شهر 9 لحد شهر 12 افضل وقت وبيطلع بسرعه جداا فى البيت . بذوره متوفره عن اى عطار جنبك
الجرجير بيتزرع فى اى تربه عندك مهما كانت وهناكل من غير اى مبيدات ولا رش ولا كيماوى ...
بذره الجرجير صغيره جدااا فا لما نزرع منكترش منه فى القصيص ونرش دايما بالبخاخ .. لالالازم بخاخ لان علشان البذره متتحركش من مكانها . لو رشينا بالميه العاديه . نزول الميه بتبقى تقيله جدا على البذره وبيحركها من مكانها وبالتالى مش هتنبت وهتفتكر ان الزرعه ماتت ...
طريقه الزراعه / هنجيب القصيص باى حجم نختاره ونملاه اى تربه عندنا وهنرش بذور الجرجير على الوش اكنك بترش ملح على الاكل وبعدها نغطيه بطبقه خفيفه جدا تانى من التربه . هنكون مجهزين بخاخ الميه ونرش التربه كلها ..
نكون مجهزين اى كيس بلاستيك ونفتح فيه كذا فتحه ونلبسه لقصيص الزرع ونخلى فتحات التويه بتاعه الكيس كلها من فوق ( ده علشان يحافظ على الرطوبه المناسبه لنمو الزرعه )
كل يوم هنرفع الكيس لو التربه محتاجه ميه نرش بالبخاخ ولو مش محتاجه نغطيها تانى بالكيس زى ما كانت ..
فى خلال 4 ياام هنلاقى الفروع كلها ظهرت على وش القصيص وفى اقل من شهر بالظبط هيبقى عندك احلى واجمل جرجير
ملحوظه مهمه جدااا / كتير مننا بيزرع ويلاقى النبات مات فجاه .. لالالازم اى حاجه نزرع فيها تكون مخرمه من تحت لتهويه التربه ولتصريف الميه الزياده عن حاجه الزرعه . لو مفيش اى فتحات تحت القصيص هنلاقى زالرعه عفنت وماتت فى اسرع وقت ...
ملحوظه / هنشيل الكيس البلاستيك خالص لما الفروع تنبت وتظهر ...
ملحوظه / طريقه حصاد الجرجير الصح ممكن نشيله بالجدر من التربه ويتاكل زى ما بنشتريه من السوق وممكن نسيبه لحد ما يطلع بذور ونقصه وبالف هناااا يارب
دمتم راقيين ومحبين للزرع والحياه
التجربه منقوله للافاده
