الرئيسية / المقالات /
24060 مشاهدة08 مارس 2018

لازم تعافر - STJEGYPT

لازم تعافر - STJEGYPT


- لازم تعافر 

ايوة يعنى اعمل ايه ؟ 
- تقرا فى مجالك كل يوم نص ساعة على الاقل, نص ساعة فى 5 ايام فى 4 اسابيع فى 12 شهر يعنى 120 ساعة فى السنة ! 120 ساعة قراية فى مجال هتخليك محترف فيه وتوصل لمراحل عالية جدا وده هيوصلك اسرع لوظايف احسن بمرتبات اعلى ومكانة احسن . . الخ . 
- لو لسة مش محدد مجال اقرا كويس عن المجالات المتاحة قدامك لحد ماتختار واحد سواء تبع الدراسة او بره , بس الاحسن طبعا انه يكون تبع الدراسة . 
- لو مابتحبش مجال دراستك ف صدقنى ده طبيعى . . لو بتدرس الحاجة اللى انت بتحبها غالبا هتكرهها ! 
- مفيش حاجة اسمها ماشتغلش غير الحاجة اللى انت بتحبها وهطل الشغف والكلام ده اى حاجة هتشتغلها سواء بتحبها ولا لأ فى الاول هتكون متحمس ليها وبعد كدة هتحس انك زهقت منها وبعد كدة هتتعود عليها وهتبقى جزء من حياتك زى اى شغل , وحتى لو حاجة مش طايقها فى استحمل وحوش فلوس على اد ماتقدر عشان بعد كدة تقدر تاخد كورسات فى حاجة بتحبها وتشتغل بيها او يبقى عندك مصدر دخل بيساعدك لحد ماتلاقى حاجة تانية احسن.
- التخصص والتعلم المستمر هو سر التميز فى اى مجال ركز فى حاجة واحدة وماتبطلش قراية وماتبطلش اسئلة. 
- افصل المجهود عن النتيجة, يعنى ماتقعدش تقول " يعنى هما اللى ذاكروا عملوا ايه " او " وانا يعنى هشتغل بكام " والكلام الاهطل ده, انت اعمل اللى عليك وراعى ربنا فى شغلك وسيب النتيجة على الله وصدقنى مش هيضيع تعبك.
- وفى النهاية ماتنساش دايما تساعد الناس على قد ماتقدر عشان ربنا سبحانه وتعالى يبعتلك اللى يساعدك لما تقع فى ضيقة.
ربنا يوفقكوا جميعا يا شباب  

 كتبه | محمودعثمان
 
 

Share

Suggestions

Back to Top