بقينا داخلين علي الميد الترم و بعدها امتحانات و لسة مفتختش و لا مادة و مش عارف تقسم وقتك ازاى
هنا هقولك اكبر استفادة ممكنة من الوقت عشان تخلص كل اللى وراك
-انسى بقا الصحيان المتأخر وابدأ يومك من بدري ممكن على ستة او سبعة
-عود نفسك ان لما المنبة يرن تقوم علطول وبلاش شغل نزود كل شوية خمس دقايق كمان و لا ظابط المنبة كل عشر دقايق يرن
-افطر كويس دي اهم وجبة عشان بتديك طاقة و تعرف تركز فى كل اللى هتذاكرة
-اعمل خطة صغيرة لكل يوم و اكتب فيها اللى هتذاكرة و هتذاكر من امتى لامتى و اهم حاجة متديش مادة سهلة وقت طويل و لا مادة صعبة وقت قصير
- مابين كل مادة والتانية وقت ليك تعمل فية اللى انت عاوزة
-ابدا بالمادة الصعبة و اخلص منها الاول و بعدين السهل
- بلاش الموبايل يبقى جمبك او النت مفتوح طول ما انت بتذاكر
-اعرف المادة فيها ايه و اية اللى هتذاكرى فى كل مادة بالظبط
- لما تخلص خالص المادة شوف انت فاكر اية من اللى ذاكرتة و راجع مراجعة سريعة
-كافأ نفسك ب حاجة بتحبها اخر اليوم شوكولاتة او خروجة
-خليك زكى فى مذاكرتك ذاكر الحاجة اللى فعلا مفيدة متذاكرش الحاجة اللى بتضيع الوقت و انت عارف انها مش هتفيدك غير لو للثقافة و الفهم اكتر ممكن ساعتها فى وقت الفراغ تفهم فى الموضوع اكتر
- اعمل الي عليك وربنا مش بيضيع تعب حد أكيد
- لو معلومة واقفة ممكن تستعين بالنت عن طريق مقالات او فيديوهات تشرحلك اكتر لو انت المعلومة بتثبت بالصور و الصوت
Made by
Mayar Mohamed
