الرئيسية / المقالات /
15241 مشاهدة20 مارس 2018

راحتك في انشغالك ,, مقال هيخليك تعرف انك صح - STJEGYPT

راحتك في انشغالك ,, مقال هيخليك تعرف انك صح - STJEGYPT


ركز ركز في انك تطحن نفسك و استمتع بالتعب .. استمتع بلذه الألم من الشغل .. اسعى و فكك من كل حاجه
و تخلص من الاسئلة اللي بتدور في حلقة مفرغة دي اولا .. 

هما ليه بيعاملوني كده ؟! هو ليه تعمل خير في الناس تلاقي شر منهم و هكذا و الاسئله الهبله الكتير دي ..

متقولش المجتمع قذر ! و تتعامل بقذارته !! انت ممكن تخلق مجتمعك على فكره و لو قدمت الخطوات البسيطه اللي عرفتها مثلا هتجذب المهتمين بالموضوع ده .. اوعى تبخل على حد بمعلومه و اختصر على الناس الطريق اللي انت اخدته في 10 خطوات و خليهم
يعملوه في خطوة و خليهم احسن منك مهو كده هتتشجع لما تلاقي حد معاك في الطريق و لما يعلوا كمان فوق هتطلع معاهم على فكره   المهم انت اللي بتخلق دوائرك و علاقاتك

امسح كل العلاقات الرمادية اللي مش باين لها ابيض من اسود . يعني في ناس مفروضه عليك و خلاص .. مترهقش نفسك لكي يرضوا عنك لأن مهما شرحت هما خلاص هيفهموا اللي في بالهم و خلاص .. و اللي جنبك و حولك اهتم بيه او اللي انت مهتم بيه لسبب ما او اللي مهتم بيك انت ..
فكك فكك من كل حاجه و ركز في الخطوة اللي انت فيها و بس .. متركزش هتعمل ايه ف امتحان بكره و ان الامتحان اللي فات كان كارثه و هل لو خلصت مذاكره هعرف احل ولا ؟! لكن ركز في ازاي تلم اكبر قدر من الامكان اسعى فقط و متقلقش من النتيجه .و متشغلش بالك بأي حاجه تانيه غير باللي في ايدك و بس ..

قسم المهام الكبيره لمهام اصغر .. و الاهداف الكبيره لأهداف اصغر و اصغر ..
بقولك ايه .. اطحن نفسك متخليش في وقتك دقيقة فاضيه حتى لنفسك تفكر فيها  

ساعتها هتعشق السفر لأن فيه خلوه مع نفسك و هتعرف ان ده مثلا وقت ابداعك في التفكير لأن انت مضطر انك تقعد كده ملل مش عارف تعمل اي حاجه مقيد في الطريق لحد ما توصل ساعتها هتعش حاجات غريبه !!
زي مثلا هتحب القهوة لأن وقت شفطه القهوة هي دي راحتك في اليوم !! مش وقت شرب القهوة لا في فرق !! .. لو عملت الي بقولك عليه هتلاقي مشاكل العامل بالنسبه ليك اتحلت كلها ولا في اي مشكله عندك في الدنيا .. لأن انت مش بتفكر في اي حاجه  

سيبها على ربنا   و اعمل اللي عليك و فكها بقى . بس اسعى .. اسعى على قد تعبك فعلا هتلاقي اكتر من اللي كنت تتخيله بكتير .. بس المهم تسعى . . و فكها   و خرج اللي جواك اشمعنا انا اكتب كل ده   .. و انت سهران و بتقرا الكلام ده ؟! اكيد في جواك اكتر بكتير من ده .. قول اللي جواك كلنا اذان صاغيه ...

mahmoud m osman 

Share

Suggestions

Back to Top