الرئيسية / المقالات /
22862 مشاهدة29 مايو 2018

كيفية الحصول على الكتب والأوراق البحثية مجانًا بطريقة مشروعة 100% - STJEGYPT

كيفية الحصول على الكتب والأوراق البحثية مجانًا بطريقة مشروعة 100% - STJEGYPT


كيفية الحصول على الكتب والأوراق البحثية مجانًا بطريقة مشروعة 100% ..
كتبه | عثمان أبو عبيدة

الطريقة دي مشروعة عشان ما بتاخد الأوراق البحثية من قواعد بيانات دور النشر زي ساينس هاب .. دي بتجيب الورقة البحثية من المؤلف نفسه لو رافعها على ريسيرش جيت مثلًا..
الطريقة دي كمان حتسهل عليك كتير، بدل ماتقعد تفتش كتير على الورقة البحثية في محركات بحث كتير وتطلبها على الجروبات بتاعت الأوراق البحثية .. كمان ما حتضطر تعملها كل شوية .. لأنك حتسطبها مرة واحدة وتشتغل بيها طوالي..

1- حتنزل الأداة دي وتضيفها للمتصفح بتاعك .. جوجل كروم أو فايرفوكس من هنا: Unpaywall

حتلاقيها نزلت فوق عندك في شريط المتصفح .. حتضغط عليها وتختار الإعدادات وتضغط علامة ( √ ) على أول اختيار زي مافي الجزء رقم 1.

2- حتفتح ورقة بحثية بفلوس ولتكن الورقة البحثية مجانا هنا

حتنتظر دقيقة حتلاقي في قفل لونه أخضر يمين الصفحة زي ما في الجزء رقم 2.
القفل ده ممكن يكون رمادي لو الورقة البحثية ما قادر يجيبها مجانا، أو أخضر لو عرف يجيبها، أو ذهبي لو هي متاحة كده كده مجانا..

3- أول ماتضغط علي القفل الأخضر حتلاقيهو فتح الورقة البحثية فعلا، ومتاحة مجانا زي ماأنت شايف في الصورة رقم 3.

الطريقة دي أنا جربتها وفتحت معاي أوراق بحثية كتير، ولكن في أوراق مافتحت .. ابحث عنها على
SCI-HUB  أو
ekb.eg 
وإن شاء الله تلاقيها..

Share

Suggestions

Back to Top