AD1
الرئيسية / المقالات /
20252 مشاهدة04 يونيو 2018

ازاي تحفظ ١٠٠ كلمة انجليزي جديدة خلال اسبوع من غير ماتنساهم - STJEGYPT

ازاي تحفظ ١٠٠ كلمة انجليزي جديدة خلال اسبوع من غير ماتنساهم - STJEGYPT


لو انت من الناس اللي بتنسي الكلمات الجديده اللي بتحفظها

حفظ الكلمات مش الصعوبه الكبيره لكن الصعوبه في انك تفتكر الكلمات اللي حفظتها وقت ماتيجي تتكلم وعلشان كدا هنقدملك شويه Tips هنساعدك انك تفتكر وتحفظ الكلمات بسهوله جداا

1) متحفظش كلمه احفظ جُمله كامله فيها الكلمه
مثال متحفظش مثلا كلمه زي reluctant معاناها ملوش مزاج ... متحفظهاش كدا احفظها في جمله زي I am Reluctant to do my homework

2) اعمل زي ما شرين بتغني وبتقول | مشااااااعر مشااااااااااااااااااااااعر

دخل الكلمه عندك بمشاعرها
ازاي طيب يا عم
- خلينا في نفس الكلمه reluctant اللي معناها مليش مزاج وغير سعيد اتجاه اني اعمل حاجه معينه لما تيجي تحفظها في جمله انطق الجمله بمشاعرها بمعني قول I am Reluctant to do my homework وانت بتقولها كدا بااحساس انك مقرووف كدا ملكش مزاج فعلا وكرر الجمله كذا مرره .. الكلمه هتثبت 5 اضعاف ماتكررها كدا!

3) انسي وشوفلك كلمه
لما تيجي تعرف كلمه جديده اكيد هتلاقي ليها معني عندك قديم انت حافظه من ايام ميس انتصاااااااااار بتاع الابتدائي االله يخربيتها ...
مثلا ميس انتصار حفظتك ان finish يعني بينهي حاجه .. لكن لما تيجي حضرتك تتعرض لكلمه جديده زي get through وتعرف ان معناها ينهي برضه حاجه ... متجيش بعد كدا تستخدم finish برده !!!

4) ازاي تقدر تحفظ 50 كلمه ب 3 جنيه!
تعرف ال Sticky Notes ؟ البتاع الملون دا هتلاقيه ف المكتبات فيه حوالي 50 واحده ب 3 ج ولو جبت الوانات مختلفه هتبقا بحوالي 7 ج فيهم حوالي 100 - 150 ورقه

= حلو جبتها ودفعتني ال 3 ج هعمل ايه بقا ؟ :
- بسيطه جداا هتروح اوضتك وتبص كدا ع المكتب وتقول ايه دا هوا ممكتب يعني ايه بالانجليزي؟ .. تروح باحث في اي قاموس ( مفيش اكتر منهم ) وتكتب معني مكتب علي ال sticky note وتروح لازقها علي المكتب :D ... وهكذا هتلف البيت كله اي حاجه مش عارف معناها تروح باحث عن المعني وتكتبه علي ال sticky note وتلزقها عليه وطول الشهر كل لما تعدي هتشوف الكلمات فهتحفظها وهتحفظ البيت كله

5) خليك Visual ياراااجل حرام عليك بقا يااخي ليه كدا
انت حفظت الكلمه في جمله و بمشاعر بعد كدا اتخيل معناها اتخيل الشكل نفسه .. لو جبت واد ف ابتدائي وقلناله قطه يعني cat استحاله يحفظها كدا من غير مايتخيل شكل القطه ودي اههي اسمها cat!

6) اخر خطوه اقرأها وبطل كسل
هتنزل App علي موبيلك اسمه Ankidroid هتدخل فيه الكلمات الجديده اللي عرفتها بشكل يومي وهوا كل يوم هيعرضهالك عشوائي ويقولك ها قولي بقا معاني الكلمات دي اللي انت دخلتها في ال App

7) هيييييه خلاص حفظت؟
.. مبروووك  .. اعمل شير بقا وفيد غيرك متخليش المعلومه تقف عندك أكيد فيه ناس كتيير محتاجاها وانت هتكون سبب في انهم يستفيدوا

حفظ كلمات

Vocabulary


Share

Suggestions

Back to Top