AD1
الرئيسية / المقالات /
15060 مشاهدة05 يونيو 2018

انا معرفش انا متميز فى ايه او عاوز ابقى ايه ؟ ... الحل هنا - STJEGYPT

انا معرفش انا متميز فى ايه او عاوز ابقى ايه ؟ ... الحل هنا - STJEGYPT

انا معرفش انا متميز فى اية او عاوز ابقى اية ؟ ... الحل هنا
مرحلة طبيعية بيمر بيها اى شخص فى الدنيا حتى يحدد ما يريدة او يعرف ما يتميز بة و يسعى ان يكون متفوق فية

فى بعض الناس بيبقوا مولودين بمهارة معينة و بيطوروها على مدار السنين زى الرسم و عزف الموسيقى لكن
من ناحية تانية هتلاقى ناس واقفة محتارة لان هما مش عارفين هما مميزين فية اي لان بيحبوا حاجات كتير جدا
و دة بيولد الحيرة لان الانسان مش عارف طب امشي فى انى مجال

الحلو فى الموضوع ان الناس الناجحة كلهم كانوا كدة و ان الحيرة دى اخرها نجاح باهر جدا

على سبيل المثال بيل جتس هو لا افضل مبرمج و لا احسن بائع بس بيل جتس كان عندة هدف و عرف اية متطلبات الهدف دة من خبرة و مهارات و ابتدى يعرفهم و يشتغل عليهم حتى ان توصل ان يعمل ما هو قيمة بالنسبة له و هى ميكروسوفت
مثال اخر ويل سميث الممثل الامريكي عمرة ما قال انا افضل ممثل بالعكس كان عارف اية المهارات المطلوبة و كان بيضيفها على شخصيتة اللى هى مميزة _ كل الشخصيات مميزة _ و قدر يستخدم الاعلام بالشكل الصح

الفكرة كلها انك لازم تنزل شغل فى مجال يسمحلك تطلع كل حاجة انت بتعرف او مبتعرفش تعملها مثلا ممكن تنزل شركة لسة مبتدئة و دة هيخليك تعمل كذا حاجة فى مجالات مختلفة 
على سبيل المثال فكرة التطوع بتخليك بتجرب حاجات و تتحط فى مشاكل و مواقف و بتضطر انك تحلها 
التكة بقا انك بعد ما تعمل الحاجتين دول تلاحظ نفسك انت كويس فى اية و بتعرف تعمل اية و منها هتبدا تفهم 

هتسأل و تقول هفهم اية ؟ هقولك ركز فى الكلام اللى جى كويس جدا 

اى انسان لازم بيبقى مستواة متوسط او كويس فى مهارتين او تلاتة بس 
الخطا المتكرر و اللى بيقع فية معظم الناس ان اى شخص بيكتفى ان يعرف ان هو قوى فى مهارة معينة زى البيع مثلا و منها بيقرر انا هبقى مندوب مبيعات و مدير مبيعات بعد كدة
قليل بيفكر يزود مهارات بس خد مثال لو كان ستيف جوبز اكتفى بمهارة واحدة كان فضل بائع فى محل سيارات

لو فاكر نفسك عندك مهارتين او تلاتة بس مستوى متوسط او قليل حاول تدمجهم مع بعض و تشتغل عليهم و تظفهم صح و هتنبهر بالنتيجة انك هتوصل لشخصية الناجحة المميزة فى مجال معين و المجال معروف بيك و ان هو دة اللى ربنا خلقك عشانة

خلينا نوصل لحقيقة ان كلنا عندنا مهارات فردية بس طريقة الدمج و التوظيف هى اللى بتميزك و تعمل منك شخص ناجح او لا فيما بعد

made by Mayar Mohamed

تطوير

تنمية

تقدم

انا مين

بحث عن الذات

متميز فى اية


Share

Suggestions

اشترك الآن في اقوى قنوات التليجرام التعليمية و التوظيفية مجانا


للإشتراك أضغط هنا

Back to Top