( انا حاسس اني بعد ما نزلت اتطوع . شخصيتي اتغيرت للاحسن )
احساسك في محله ! . بس ايه هي الاسباب العلمية ورا التغيير دا ؟
فما أهمية التطوعللتطوع 6 فوايد عقلية مبنركزش عليها في كلامنا رغم اهميتها
أهمية التطوع و فوائده1) الشخصية Personality لما بندي تعريف الشخصية بنقول عليها . الطريقة اللي بتتعامل بيها مع ( الوقت - الضغط - التحديات - المهام - الناس ) . العمل التطوعي بيحطنا في تحديات جديدة علينا فبنعدل من سلوكنا . بيفرض علينا مهام لازم ناديها لاتمام المهمة . بيحطنا تحت ضغط الوقت و الناس و للتعامل . و بتالي كانت النتيجة المنطقية ان اللي يدخل عمل تطوعي لازم شخصيته تتغير لان ببساذة الخمس عناصر بتتغير بشكل لا ارادي
.
.
2.) العقلية Mindset المجتمع التطوعي من اهم مميزاته فكرة التجمعات بين الطلبة . ان كل واحد بيشارك برايه و ناس تتعلم حاجة عشان تفيد اشخاص تانية من غير منحس بيساعد في تكوين عقلية سليمة ناضجة فاهمة سوق العمل بشكل سليم و بتلعب الحياة صح . تبادل الافكار و الاراء و عملية هدم المعتقدات القديمة و غيرهم كلها حاجات مجانية و العمل التطوعي من اهم مصادرها
.
.
3 ) المهارات Skills المهارة هي قوة مكتسبة من البيئة اللي حوالينا . و عشان تكتسبها محتاج قدر معين من ( المعرفة و التطبيق) . العمل التطوعي هو احسن المصادر علي الاطلاق لتطبيق اي مهارة . و دا لانه مجاني فبالتالي مسموحلك بالغلط و التصليح علي عكس الوظايف الحقيقية اللي الغلط بحساب . نقدر نعتبر قمة المنحني لتطوير المهارات بيكون فترة تطوعنا . دا غير ان التطوع بيساهم كمان في الجزء النظري للمهارات من خلال التدريبات اللي بتتعمل و المحاضرات
.
.
4 ) التشبيك Networking الناس مبقتش تتعين ب cv اد مبتتعين بالعلاقات . المجتمع التطوعي بتكون فيه شبكة علاقات مهنية تساعدك لقدام . و دا غير الوسايط . الواسطة انك تكون حد غير مؤهل و حد يزقك . انما التشبيك فهو ان حد يشير لاسمك لانك فعلا تستحق . و إحنا بننزل ايفنتات كبيرة لغرض التشبيك و بس . فالعمل التطوعي بيكفل دا بشكل مجاني
.
.
5 ) تعلم مدي الحياة Life long learning برغم عشوائية الكيانات التطوعية و افتقارها لسستم و نظام معين . الا ان الظروف دي بتجعل عملية التعلم مستمرة من اجل التطوير و الريادة . تطوير لانك شايف عجز و بتحاول تصلحه بتجاول تتعلم من برا و تطبق في الكيان . و ريادة انك بتفضل تطور لحد متبقي الكبير فيها و الكل يرجعلك
6) الابتكار Innovation لان مفيش مرجعية عليا نرجعلها بخصوص العمل التطوعي . فدا بيبفتح المجال لاي شخص انه يبتكر مشروع او فكرة جديدة و يطبقا بدون ادني تكلفة . العمل التطوعي هو تربة خصبة للافكار المجنونة و المشاريع اللي مش لاقية اهمية علي ارض الواقع . تربة بتنمي الفكرة و تكبرها و لينا امثلة كتيرة في كيانات تطوعية بدات كتطوع و اتحولت لمشاريع كبيرة و بيزنس . الفكرة ان اي حد ممكن يبقي الريس و صاحب الشي و دا بيفتح مجال كبير للابداع و الابتكار
فالتطوع هو التعبير الرسمي عن خبراتك في الحياة .
و المتفاح الرئيسي لعربية شخضيتك
فانزل اطوع لمصحلتك قبل ميكون لمساعدة الغير