الرئيسية / المقالات /
6911 مشاهدة23 أغسطس 2018

اكتر حقيقة صادمة عن الشغل - STJEGYPT

اكتر حقيقة صادمة عن الشغل - STJEGYPT


اكتر حقيقة صادمة عن الشغل

الفضل في اني اعرف كل دة هو #مديري في الشغل و هو اللي علمني حاجات اكتر من كدة بكتير 
الحقيقة بتدور حول شبكة علاقاتك المهنية؟!
تيجي نفهم اكتر 

اكتر حقيقة صادمة عن الشغل


خليني أفاجئك بحاجة وهي أن #الوظايف المعلنة اللي بيتم نشرها علي المواقع والجرايد أو الإعلان عنها في معارض التوظيف بتكون البديل التاني أو المرحلة التانية لأي شركة محتاجه موظفين


يعني مديري الموارد البشرية وأصحاب الأعمال لما بيحتاجوا موظفين بيلجئوا في الأول لدائرة علاقاتهم وخاصتًا في الوظائف النضيفة واللي أجورها مرتفعة ، ودي الوظائف اللي مش بيعلنوا عنها


فلو قدرت أنك تظبط دائرة معارفك المهنية بشكل كويس هتقدر توصل لوظائف كتير وتختار براحتك من غير زحمة ناس كتير متقدمين ليها وده بسبب دائرة معارفك
عشان كده لازم تبني شبكة علاقاتك المهنية لأنها هتساعدك كتير وهتوفر عليك وقت ومجهود ويعتبر جزء مكمل لنجاح أي شخص. وحاول ترسم خطة لمسيرة حياتك المهنية وتبدأ تنطلق من خلالها 


شبكة علاقاتك هتكون داعمه جدًا ليك وهتحفزك بإستمرار وهتقدر تتبادل معاها المعلومات، ومش بالضرورة تكون في مجال واحد، كبر دائرة معارفك علي قد ما تقدر وحاول تديرها كويس وخلي في تواصل معاهم دايمًا متقطعش! 
 وظبط مهارة “التواصل” أكتر مهارة هتحتاجها


نصائح سريعة:
_إبني سمعة كويسة لنفسك وإهتم بمظهرك
_إطلب النصيحة
_إظهر شغفك بمجالك
_ إبعد عن الجدال
_ متتكلمش في ظهر حد
_ إعمل Range لعدد الأشخاص اللي أنت عايز تتعرف عليهم شهريًا، حاول تتعرف علي خال صاحبك اللي شغال مدير وتعرفه بنفسك وتظهر قدراتك قدامه 
_ إقرأ كتب في التعامل مع الأخرين 
_ إتعلم تسمع غيرك بدون ما تقاطعه ناقشة في إهتماماته مش ف إهتماماتك أنت 
_ إعرض مساعدتك للناس اللي حواليك، لو نفذت الكلام ده هتقدر تبني شبكة علاقات قوية جدًا 


تقدر تبني شبكة علاقاتك المهنية من خلال:
1- مواقع التواصل وخاصتـًا لينكد إن
2- الإيفنتات
3- الأعمال التطوعية 
4- الأنشطة الطلابية


اكتر حقيقة صادمة عن الشغل

Made by Mayar Mohamed

Share

Suggestions

Back to Top