في بداية التعاملات الماليه بين البشر مكنش فيه حاجه اسمها عملات كانوا بيستخدموا اشياء من الطبيعه ، وكل ما كان الشئ من الطبيعه نادر .. كل ما كان له قيمه اكبر.
فمثلا في المكسيك كانوا بيستخدموا
حبوب القهوه .. ومن اقدم العملات المعروفه كان
الصدف ثم بعد ذلك تحولت البشريه الي
الذهب.
" التضخم " دا مصطلح دايما بنسمعه في عالم البيزنس .. عشان نفهم حوار التضخم ده ، تعالوا نعرف الاول علاقة الدولار مع الدهب.
لما تأسست الدوله الامريكية ، رئيس امريكا قال احنا عندنا المقدار الفلاني من الدهب هنطبع بقيمة هذا الدهب دولارات وحددوا قيمه قالوا لكل اونص ذهب 16 دولار .. فكان الدولار مربوط بالذهب من 1792 ل 1971 في الوقت ده امريكا دخلت حرب فيتنام ضاعفت بشكل كبير جدا الخزانه الامريكية ، ف معادش عندهم دولارات تكفي لتمويل الحرب .. ف الرئيس الامريكي وقتها كان ( ريتشارد نيكسون) قال في خطاب ليه اننا اصدرنا امر بفصل الدولار عن الذهب مؤقتا.
بالتالي الدوله الامريكيه في الوقت ده تقدر تطبع الكميه اللي عايزاها عشان تقدر تمول الحرب ،طبعا الموضوع ده ادي الي تضخم كبير ... ف اصبح الاونص ذهب يساوي تقريبا 1200 دولار في عام 2012.
ف اذا كنت فرد امريكي وعايش في امريكا عام 1920 .. من اشهر السيارات في وقتها " الفورد " اذا حبيت تشتريها جديده من المعرض قيمتها هتكون 400 دولار .. وبمقايس الذهب كانت هتكلفك 20 اونص دهب.
في عام 2014 لو هتشتري سياره فورد هتكلفك تقريبا 26 الف دولار امريكي وبمقاييس الذهب هتكلفك نفس ال 20 اونص ذهب.
الشاهد من الموضوع ان الذهب لا يفقد قيمته.
فاذا العمله بتاعت البلد انهارت زي دولة فنزويلا اللي عملتها " البوليفار " فإن الذهب يبقي قيمته.
في دولة فنزويلا اصبحت عملتها بلا قيمه تقريبا ، بعد ما وصلت لمستويات خيالية من التضخم ، البنك الدولي توقع انها تصل الى مليون % بنهاية هذا العام.
الصور دي فيها أسعار حاجات بسيطة جدًا الواحد بيستخدمها في يومه العادي والمبلغ الضخم .. اللي بيتدفع عشان نقدر نشتريها. انت متخيل الوضع ؟
المصدر من
هنا By :
Ahmed taha atwa
