الرئيسية / المقالات /
16489 مشاهدة05 سبتمبر 2018

عايز تلف العالم كله وانت قاعد في مكانك ؟ - STJEGYPT

عايز تلف العالم كله وانت قاعد في مكانك ؟ - STJEGYPT


تقدر دلوقتي تتفرج على كل مكان في العالم و"تلفه" وتعرف كل تفاصيله، لأنك تقدر تتفرج دلوقتي على أي مكان متصور بطريقة الـ360° Panorama وبـpixels عالية جدا هتخليك تتحرك براحتك وتشوف أي تفاصيل!
هتقدر تلف مدن العالم كلها والأماكن المشهورة فيها، مباني، آثار، مساجد كنائس، متاحف، طبيعة وغابات وبراكين! لا وكمان هتنزل تحت المياه، وتطلع فوق طبقات الجو! وكمان تطلع ع القمر!
شوف المواقع دي بس وادعي لنا
..
(1) Airpano
الموقع ده عظيم هتقدر تشوف عليه مدن كتير جدا بجودة عالية جدا جدا، تلف فيها 360 درجة وتتحكم فيها وتقرب وتبعد براحتك، هيخليك تشوف المكان من زوايا كتير جدا وهيكتبلك معلومات عن كل لقطة، وكمان هيشغل لك موسيقى لايقة ع المكان أو من حضارته تعيشك في الجو!
ده غير الـ360° videos  اللي هتخليك تعمل نفس الكلام ده بس في فيديو كمان! فيديو شغال قدامك وانت بتتحكم في الكاميرا تبص ع الحتى اللي انت عايزها وتكبر وتصغر كأنك انت اللي لسه بتصور الفيديو دلوقتي!
لا وكمان كل مكان هيحكيلك عنه شوية بالصور العادية ويكلمك عن رحلة تصويره!
ادخلوا استكشفوا واستمتعوا بنفسكم وممكن تعملوا search على أي مكان

..
(2) Arounder
نفس الفكرة ومترتب بطريقة أحسن بالقارات وفي كمان أماكن برا الكوكب

..
(3) 360cities
هيجيبلك برضو أماكن من العالم كله وتقدر تشوف الـpanoramas المتاحة ع الموقع حسب موقعها في خريطة العالم، وهتلاقي panoramas كمان للمريخ، وpanorams لأماكن من الخيال حتى
وكمان هيعرف ازاي تصور 360 بانوراما بنفسك

..
(4) "أماكن 3
موقع عربي، متقسم حسب نوع المكان، مثلا "ديني، طبيعي، برج، قصر.." وهكذا
هيجيبلك كل مكان من كذا حتة، يعني مثلا لو مسجد هيجيبلك صورة من الصحن وصورة من المنبر وهكذا.
كمان تقدر تحمل منه أي لقطة وتشوفها offline ع الكمبيوتر في أي وقت وتلف فيها براحتك ودي ميزة حلوة جدا

..
(5) Gigapan
هيجيبلك برضو أماكن كتير بصور دقتها عالية جدا، ممكن تبقى المدينة كلها في صورة واحدة وتعمل zoom وتتحرك براحتك لغاية ما تشوف شكل العربيات حتى

من هنا

..
(6) round.me
هيجيبلك أماكن حوالين العالم كله وتقدر تشوفهم مترتبين ع الخريطة

..

Share

Suggestions

Back to Top