AD1
الرئيسية / المقالات /
6114 مشاهدة10 سبتمبر 2018

الشرح الكامل و البرامج اللازمة لتعليم الانجليزي عن طريق الافلام - STJEGYPT

الشرح الكامل و البرامج اللازمة لتعليم الانجليزي عن طريق الافلام - STJEGYPT

طبعًا كلنا عارفين إن من أهم طرق تعلم اللغة الإنجليزية إني أتفرج على فيلم و قدامي ال Subtitles بالإنجلش علشان أعرف هما بيتكلموا إزاي و ايه الجمل اللي تتقال في مواقف كتير أوى و دي حاجة مهمة أوي في أي لغة إنك تفهم !!!!
في البوست ده هوضح طريقة إزاى تحمل فيلم من غير ترجمة و إزاي تنزل ال
Subtitles لوحدها بالانجلش و ازاى تحطهم على بعض على اللاب أو ال pc

و هرشحلكوا أفلام أجنبي حلوة و قصتها حلوة و سهلة لناس لسة في البداية و هرشح للناس اللي مستواها في الإنجلش كويس

يلا نبدأ ....

أول حاجة لازم تنزل عندك على الجهاز موقع BitTorrent

من هنا

بعد ما تنزل البرنامج تعمله Install و تسيبه عندك
بعد كدة هتدخل على موقع فيه أفلام بصيغة التورينت زي الموقع ده مثلًا

من هنا

و تكتب في الـ Search box الفيلم اللي انت عايز تشوفه و تعمله Download هينزل File بسرعة تفتحه هتلاقي نفسك في برنامج BitTorrent اللي انت حملته (y) هيبدأ الفيلم يحمل على برنامج BitTorrent هياخد وقت شوية و حسب سرعة النت عندك (y)
أول ما الفيلم يحمل و يبقى لونة أخضر هندوس كليك يمين على الحتة الخضراء و نختار Stop هنلاقي الفيلم عندنا من غير ترجمة و HD و زى الفل <3

نيجي بقى للترجمة في موقع محترم أوى للترجمة فيه جميع اللغات اسمه subscene

و ده اللينك بتاعه

من هنا

هتدخل الموقع و تكتب اسم الفيلم هتلاقي الترجمة بتاعت الفيلم بكذا لغة و كذا صيغة
هتيجي عند الترجمات الانجلش و تختار الصيغة بتاعت الفيلم اللي انت نزلته هتلاقيها في أخر اسم الفيلم
هتنزل الترجمه هتبقى مضغوطة فك الضغط بتاعها علشان تتحول لفايل و لو متعرفش قولي و انا هقولك و تعمل الاتى و دى أهم خطوة علشان تدمج الفيديو مع الترجمة بتاعته

هتعمل Folder و تسميه باسم الفيلم
تحط فيه الفيديو ( الفيلم ) و الترجمة و تسمي الفيديو و الترجمة بنفس الاسم اختار اي اسم و ليكن اسم الفيلم و اعمل الاتنين نفس الاسم و Refresh و شغل الفيلم و استمتع <3 <3

هرشح لكوا كام فيلم كويسين و قصتهم حلوة و مفيهمش مشاهد +18 تتفرجوا عليهم
A Family Man
Coco
Exam
Inside out
Into the woods
Wonder


Khloud Elkordy

تعلم انجليزي الافلام


Share

Suggestions

اشترك الآن في اقوى قنوات التليجرام التعليمية و التوظيفية مجانا


للإشتراك أضغط هنا

Back to Top