مبدئيا خلينا متفقين على نقطة بسيطة خالص وهي..
إن الإنسان منتج، و زي ماكلنا عارفين ان اي منتج في الدنيا عشان يتباع او يجيلوا طلب لازمله (ترويج) بمعنى:-
- عشان تلاقي شغل كويس او شغل عمتا، لازم تعرف انت تسوى كام في السوق. عشان تبيع صح من غير خسارة..
-جميل، دي حاجة تاني حاجة:
اى منتج في الدنيا لما بيظهر بشكل كبير وعشوائي . بيقل عليه الطلب بمعنى:-
- مينفعش تدخل على كل جروبات الوظائف واى حد كدة والسلام تروح باعتله السي في بتاعك، من غير ما تعرف الشغلانة دي ليك ولا لا، هتتعلم فيها ولا لا، الشركة نفسها اللي طالبة ولا مكاتب عمالة خارجية ..
• طيب ليه مينفعش:-
-اولا لان معظم الاتش ار للشركات الكبيرة مكانهم مش ع الجروبات دي ..
-ثانيا اسمك بيكون اتعرف واتحط تحته خط انك حد بختصار مش فاهم بتعرف تعمل ايه ولا عايز ايه، وبالتالي حتى لو ظهرت حاجة كويسة مش هتكون مرشح ليها.. ودي بختصار وجهه نظري..
//-/-/-/-/-/-/-/-/-/-/-/-/-/-/-/-/-/-/-/-/-//
• طيب ازاي بقى تلاقي شغل بطريقة صحيحة:-
---------------------------------------------------------
1- هات قلم و Note book حلوة كدة واكتب افضل الشركات في مجالك.. (جميل بعد كدة)..
2-اكتب شويه عن نفسك زي. (موقف كنت في قائد/حاجة كنت متطوع فيها وكان لك اثر/ مشكلة قبلتك واتغلبت عليها/ ايه طموحاتك..) إلخ.. ومن وقت للتاني زود عليهم. لان دة هيفيدك جدا في اى انترفيوا..
- - - - - - - - - - - - - - - - - - - - -
• نيجي بقى للجزء العملي:-
''''''""""""""""""""""""""""""""""""
1-من خلال موقع لينكد إن Linked in.
-------------------------------------------------
- طيب كلنا عارفين الموقع ولكن فين الزتونة.. ماشي ياسيدي خد الزتونة..
•اولا: ظبط صفحتك حط كل الخبرات والمهارات وارفع عليها السي في بتاعك.وشارك دايما بستمرار حاجات ليها علاقة بالمجال حتى لو معلومات عامة.
•ثانيا: جيب الورقة اللي اتفقنا عليها فوق وابحث عن الشركات اللي كتبتها بالتالي هيظرهلك كل الناس اللي شغالة فيهم تقريبا، تابعهم بستمرار لحد ماتحس انهم خدوا بالهم منك، اتعرف عليهم وصاحبهم وعرفهم ع الحاجات اللي شاركت فيها وخبرتك في المجال، لان دة هيفيدك كتير في مجالك سواء رشحوك لشغل في الوقت الحالي او لا ..
_ _ _ _ _ _ _ _ _ _ _ _ _ _ _ _
2- موقع بيت.كوم Bayt.com ودة من افضل مواقع الوظائف في الشرق الأوسط..
---------------------------------------
- برضوا اعمل عليه حساب. وفعل خدمة رسائل البريد الإلكتروني عشان يجيلك باستمرار الوظائف الهامة ليك.
- بعد كدة ابحث عن الوظائف الخاصة بمجالك وذاكر كويس جدا التحليل الوظيفي لكل وظيفة ومتطلباتها، عشان تحدد بظبط مهاراتك وايه اللي ناقص عندك، واعرف متوسط المرتبات في كل شركة والفرق مابينهم.
_ _ _ _ _ _ _ _ _ _ _ _ _ _ _ _
3- موقع وظف Wuzzuf ودة بيضم حاليا إلى حد ما، اكبر الشركات الموجودة في مصر..
-----------------------------------
- هاتقوم هنا بنفس الخطوات اللي عملتها في (بيت. كوم) بظبط، وتعمل ذي نموزج مقارنة تحط في اسم كل شركة طالبة ناس في مجالك على كل مواقع الوظائف، وبكدة هيبقى عندك مقارنة تحدد بيها متوسط المرتبات للترتيب الوظيفي وايه المهارات المطلوبة في كل شركة طبقا لحجمها في السوق ومميزاتها..
موقع الغرفة التجارية الامريكية amcham ودة برضوا موقع مصري الجنسية..
--------------------------------------
- تابع اللي عليه وخليه معاك في الحسبان وانت بتعمل جدول المقارنة اللي اتفقنا عليها..
