مشكلة معظمنا مع أغلب الكورسات القوية على النت إن الشرح بيكون بالإنجلش .. وبالتالي الناس اللي مستواها ضعيف في اللغة مش بيقدروا يفهموا المحتوى
كمان لما بنبحث عن بعض المجالات مش بنلاقيها على مواقع كتير خاصة في المواد الأكاديمية زي العلوم والرياضيات والتاريخ وغيرها
المشاكل دي انتهت لما اكتشفنا موقع خرافي عليه محتوى قيم .. وكورسات في مختلف المجالات .. ومجانًا .. وطريقة استخدامه سهلة .. والشرح باللغة العربية
وهو جامعة النجاح الوطنية الفلسطينية
وتعتبر الجامعة الأولى في فلسطين اللي بيحتوي موقعها على أكثر من 4000 محاضرة في مختلف المجالات
فعلى سبيل المثال موقع جامعة النجاح الوطنية الفلسطينية بيحتوي على
775 محاضرة في الرياضيات
423 محاضرة في الكيمياء
364 محاضرة في الفيزياء
277 محاضرة في الأحياء
مميزات موقع جامعة النجاح الوطنية الفلسطينية
تقدر تذاكر الفيديوهات مباشرة بدون تسجيل وخطوات كثيرة
الكورسات متقسمة حسب الدراسة من السنة الأولى لحد التخرج
المحتوى بيكون مرئي ومسموع على شكل فيديوهات فمش هتزهق منه
طريقة استخدام موقع جامعة النجاح الوطنية الفلسطينية
ممكن تبحث عن الكلية اللي عايز تدرس الكورسات بتاعتها عن طريق الضغط على Browse by Faculty
لو عايز تشوف كل محاضرات معلم معين بتحب شرحه اضغط على Browse by Teacher
تقدر تبحث عن الكورس اللي عايز تدرسه بدل ما تدور في كل الفيديوهات عن طريق Browse by Course
لو عايز تشوف المحتوى الأكثر شيوعًا على موقع جامعة النجاح الوطنية الفلسطينية اضغط على Popular content
وهتلاقي أحدث الكورسات والمحتويات اللي اتضافت على الموقع عن طريق اختيار Recently Added
لينك موقع جامعة النجاح الفلسطينية
كتابة
