الرئيسية / المقالات /
3396 مشاهدة24 أكتوبر 2018

مفيش ملك اسمه عزرائيل ! - معلومات قد لا تعرفها - STJEGYPT

مفيش ملك اسمه عزرائيل ! - معلومات قد لا تعرفها - STJEGYPT


معلومات قد لا تعرفها : - 



ــــــــــــــــــــــــــــــــــــــــــــ



 عارف لو إنت مواظب على أى عمل صالح ومرضت ومبقتش قادر تعمله أبشر يااعم هيتكتبلك برضو 



أقرأ الحديث ده : عن أبي موسى - رضي الله عنهما - قال: قال رسول الله - صلى الله عليه وسلم : ( إذا مرض العبد أو سافر كتب له مثل ما كان يعمل مقيمًا صحيحًا ) رواه البخاري. 



- فطول ما أنت بخير واظب على النوافل وركعتين قيام ليل وورد يومي من القرآن عشان لو تعبت أو سافرت ومقدرتش تعمل الأعمال دي يكتبلك آجرها برضو .



----------



 عارف لو كنت ناوي تصلي قيام ليل وغلبك النوم ونمت أكتبلك برضو قيام الليل ونومك ده صدقة من ربنا عليك 



أقرأ الحديث ده : عن عَائِشَةَ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: ( مَا مِنَ امْرِئٍ تَكُونُ لَهُ صَلَاةٌ بِلَيْلٍ، يَغْلِبُهُ عَلَيْهَا نَوْمٌ، إِلَّا كُتِبَ لَهُ أَجْرُ صَلَاتِهِ، وَكَانَ نَوْمُهُ عَلَيْهِ صَدَقَةً ) صححه الألباني . 



----------



 أسم #عزرائيل المشهور إلي بيطلق علي ملك الموت غير صحيح فملك الموت أسمه ملك الموت فقط قال تعالي { قُلْ يَتَوَفَّاكُم مَّلَكُ الْمَوْتِ الَّذِي وُكِّلَ بِكُمْ ثُمَّ إِلَىٰ رَبِّكُمْ تُرْجَعُونَ } .



----------



 عند الرفع من الركوع أغلب الناس بتقول ( ربنا لك الحمد والشكر ) وده غلط لم يرد لفظ الشكر في أى رواية من روايات الحديث , الأصح إنك تقول ربنا ولك الحمد فقط إختصاراً أو الدعاء المشهور .



----------



 آخر وقت لإدراك تكبيرة الإحرام في الصلاة هو إنتهاء الإمام من قول الله أكبر على أرجح المذاهب بعد كده لو كبرت يبقي فاتتك تكبيرة الإحرام وفاتك فضل عظيم وانت اصلا ممكن تكون قاعد من بدري مستني الصلاة ! 



----------



 لما ترفع السبابة في التشهد الصح إنك توجه السبابة نحو القبلة مش نحو الأرض زي ما الأغلب بيعمل .



----------



 سنة الفجر المؤكدة إلي بتكون قبله لو ملحقتهاش والصلاة قامت يجوز تصليها بعد صلاة الفجر . 



----------



 بعد ما تخلص قراءة القرآن متقولش صدق الله العظيم لإنه لم يرد في كتب السنة أن النبي والصحابة واظبوا عليه الأصح إنك تقول دعاء كفارة المجلس " سبحانك اللهم وبحمدك , أشهد أن لا إله إلا أنت , أستغفرك وأتوب إليك " 



----------






كـتبــه / يوسف محمد

Share

Suggestions

Back to Top