MIT أعظم ما حدث لي في حياتي هو فشلي في
؟MIT ده كان رد فتاة على سؤال على موقع كورا بيقول هل حدث وفشل شخص في
غرابة إجابة الفتاة هي رد قاطع على سؤال هو بعد الفشل ممكن يكون فيه نجاح؟
حكايتها
كنت متفوقة في الترم الأول لي في المعهد وحصلت على امتياز في جميع المواد
والترم التاني .. كان كويس إلى حد ما ولكني حصلت على جيد في الكيمياء العضوية
رغم وجودي وتفوقي في المعهد اللي هي تعتبر حلم للكثيرين لكن مكنش عندي أدنى فكرة عن شغفي، كنت مش عارفة أنا عايزة أبقى إيه؟
الحاجة الوحيدة اللي كنت عرفاها إن والدي ووالدتي كانوا عايزني أبقى دكتورة زيهم
في الترم الثالث .. بدأ مستوايا يقل وجبت مقبول في كل المواد.. وبدأ الإحباط يتملك مني ومبقتش أحضر محاضرات إلا قليل، وأغلب الوقت نايمة وحاسة إني فاشلة
وكنتيجة طبيعية لكل ده في الترم الرابع .. جبت تقدير ضعيف في مادتين وأخدت تحذير
في الترم الخامس .. المشكلة زادت .. بقيت أغيب عن كل المحاضرات وبنام علطول وبوهم نفسي وكل اللي حواليا إن أنا طبيعية ومعنديش مشكلة
وطبعًا والدي ووالدتي كانوا فاكرني بجيب امتياز .. أنا كذبت عليهم لإني كنت خايفة أبان فاشلة أدامهم
لحد ما جه اليوم اللي قررت أسيب المعهد فيه وحكيت لوالدي وطلب يشوف درجاتي وبكى
وتاني يوم أخدوني لمدرسة الفنون في المعهد وتوسلوا للموظفين لقبولي ولكن الموظفين حذروني إن الترم ده آخر فرصة ليا وإلا هيتم طردي
في ظل كل مشاعر الإحباط والتخبط اللي بتتملك مني قررت أحضر صف البيولوجي بجانب دراستي للفنون وبدأت أقسم وقتي بين الفنون والبحث العلمي في البيولوجي .. وعلى الرغم من التعب إلا إني كنت أخيرًا مبسوطة لإني أخيرًا اكتشفت شغفي وأصبح عندي هدف أسعى لتحقيقه وهو إني أكون عالمة
واتعلمت درس مهم وهو إن الإنسان مش عبارة عن درجات، وإن فشلي في معهد إم آي تي كان أعظم ما حدث لي في حياتي
لإني اتخرجت بعد 5 سنوات بدرجة امتياز مع مرتبة الشرف وحاليًا بدرس دكتوراة في علم الأعصاب
ولو مكنتش فشلت عمري ما كنت هنجح في إني أكون عالمة وأحقق حلمي
إياك تقول على نفسك فاشل.. أو تكون نسخة مكررة من حد .. أو تسمح لحد يخططلك حياتك
أنت عمرك ما كنت ولا هتكون شخص فاشل، أنت ليك هدف ورسالة اتخلقت علشانهم .. كل الحكاية إنك اتحطيت في ظروف غلط
