AD1
الرئيسية / المقالات /
6410 مشاهدة06 نوفمبر 2018

إيه الأفضل لسوق العمل .. كورس بشهادة معتمدة ولا من غير شهادة؟ - STJEGYPT

إيه الأفضل لسوق العمل .. كورس بشهادة معتمدة ولا من غير شهادة؟ - STJEGYPT

السي في بتاعي فيه كورسات كتير لكن من غير شهادات .. فهل كدا ممكن أتقبل في وظيفة؟

عايز كورس إنجليزي بس أهم حاجة يكون بشهادة معتمدة



مقال النهاردة يعتبر من أهم الأسباب اللي هتغير طريقة تفكيرك تجاه الكورسات والشهادات

بعد ما تخلص القراءة هتنتهي من حيرة وداومة الشهادات المعتمدة وعلاقتهم بالشغل



خاب وخسر كل اللي يفتكر أو يصدق إن الحصول على وظيفة = تجميع عدد كبير من الكورسات والشهادات سواء أونلاين أو أوفلاين



أولًا: بالنسبة لمحتوى الكورس

خلينا متفقين إن العلم والمهارات اللي بتكتسبها من الكورس هي أهم بكتير من الشهادة

 لو أخدت شهادة 100 كورس وأنت مستفدتش منهم حاجة هيبقوا زي قلتهم، وهتتكشف لما تتسأل عن محتوى الكورسات اللي أخدتها في الإنترفيو

 لو أخدت 4 كورسات بس ومن غير شهادات لكن طبقتهم عملي .. فـ ساعتها هتتقبل في الشغل علطول بصرف النظر عن الشهادة



كونك دارس كورس أونلاين واستفدت من محتواه، لكن مش معاك تمن الشهادة بتاعته، ده شيء لا يعيبك على الإطلاق، ده بيدل على إنك مستسلمتش لظروفك وبتدور على بدائل مجانية تحصل منها على علم



والدليل على الكلام ده

إنك لو بتقدم لشغل ليه علاقة بالإنجلش .. هتلاقي إن في المقابلة الإتش آر بيكلمك وبيسألك على كل حاجة بالإنجلش علشان يقيس مستواك في اللغة، عمره ما هيسألك على الشهادات اللي أخدتها

ده بالعكس لو معاك شهادات من أماكن كتير ومش بتعرف تتكلم باللغة .. دي كارثة مش ميزة



ثانيًا: بالنسبة للشهادات

كلامنا في أول نقطة مش بيقلل من الشهادات ولا قيمتها لكن بنوضح بيه إن العلم والمحتوى أهم من الشهادات

 

والأماكن اللي بتقدم شهادات معتمدة هي أماكن معروفة زي شهادات CMA, MBA. PMP, TOFEL, IELTS 

ودي شهادات ممتازة وبتحتاجها في ظروف معينة زي المنح، لكنها بتثبت إنك درست الكورس فقط مش إثبات على إنك تعرف تطبقه .. فـ هنا لازم تظهر مهاراتك مع الشهادة



نصيحة لكل الشباب

اهتموا بالبحث على العلم اللي بجد بلاش السعي ورا جمع أكبر عدد من الشهادات وخلاص

لو في أي مكان أو تطوع هيقدملكم علم وخبرة حتى لو من غير شهادة .. هو أحسن من أي مكان تاني بيسعى ورا لم الفلوس وخلاص والنصب باسم الشهادات المعتمدة

 


شهادة معتمدة

كورسات مجانية


Share

Suggestions

اشترك الآن في اقوى قنوات التليجرام التعليمية و التوظيفية مجانا


للإشتراك أضغط هنا

Back to Top