المنحة دى للطلبة بس لسفر الي امريكا لمده 4 اسابيع :]
منحة SUSI ….دى عبارة عن منحة مقدمة من السفارة الامريكية للدراسة فى الولايات المتحدة لمدة حوالي 4 اسابيع فى أجازة صيف 2019 و الميزه ان المنحه مش هطعطلك عن الدراسة و المنحة ممولة بالكامل و بيكون ليك pocket money كمان اهم حاجه انك تكون طالب فى الجامعة ومش فى السنة الأخيرة.
المنحة مكونة من أربع برامج ودى شوية معلومات عن كل برنامج :
1. Civic engagement
لو مهتم بالأنشطة التطوعية يبقى البرنامج ده ليك خاصة لو كانت الأنشطة التطوعية ليها علاقة بالمجتمع او السياسة .
2. Women’s leadership
ودى زى ما هى واضح من اسمها انها للبنات بس والأفضلية فى الأختيار بتكون للبنت اللى عنها مهارات شخصية وقيادية فى المجتمع.
3. Religious pluralism
البرنامج ده للأشخاص اللى عندها فكرة عن الديانات المختلفة وخد بالك انك بتمثل دينك.
4.Social entrepreneurship
لو انتا مهتم بريادة الأعمال وعندك فكرة كويسة تقدر تساعد لحل مشكلة فى المجتمع تقدر تقدم فى البرنامج ده وأهم حاجة أنك تقدر تعرض فكرتك بشكل كويس.
=====================
طيب مين يقدر يقدم ؟!
لو انتا طالب فى الجامعة بس مش السنة الأخيرة تقدر تقدم ودرجاتك ملهاش علاقة بقبولك فى المنحة أو لا.
=====================
الحاجات المطلوبة للتقديم :
1. بيان درجات :
هتروح لشئون الطلبة تطلع بيان درجات للسنين اللى فاتت فى الكلية اللى انتا فيها
2. Personal statement
ودى بتكون عبارة عن 250 كلمة و بتتكلم فيها عن نفسك وليه عايز تقدم فى المنحة دى وإيه اللى هتعمله لما ترجع مصر
3. nomination Letter
هتروح لاى دكتور عندك فى الجامعة تخليه يكتب عنك ولو الدكتور مرضيش هتكتبه انت وتروح للدكتور يمضيه.
4 - Recommendation letter
هتروح تانى لدكتور، معيد، أو حتى فى النشاط الاطلابى و هيكتب عنك ويقول ايه المزايا اللى فيك
=====================
معلومات مهمة عن المنحه :
◾ لازم يكون ليك علاقة بالأنشطة التطوعية والمجتمعية ( يعنى يكون ليك تأثير وفعال فى المجتمع )
◾ بعد ما تنتهى من الحاجات المطلوبة للمنحة هتروح تسملها بإيدك فى السفارة الأمريكية فى التحرير.
التقديم
من هنا
