منحه المجر
( Stipenduium Hungaricum Scholarship )
الموقع الرسمي للمنحه هي منحه من الحكومه المجريه بدات من 2013 و كل سنه عدد الطلاب فيها بزيد بشكل عام و بتكون بالتعاون بين الحكومه المجريه و بعض الدول علي مستوي العالم
المنحه بتكلم عن ايه ؟
هي منحه لدراسه الباكالريوس والماستر والدكتوراه في المجر، المنحه شامله كل التكاليف من سكن ودراسه وتأمين صحي و مرتب حوالي 130 يورو في الشهر طول السنه حتي في اجازة الصيف وحتى تكاليف الفيزا بيدفعهوهالك ماعدا تكاليف الطياره بتكون عليك.
ولو انت من اعضاء هيئة التدريس في اي جامعه و بتقدم علي ماستر او دكتوراه بتسافر على حساب الدوله وبتاخد مرتب من مصر كمان.
طلاب البكالوريوس و الماستر بياخدوا نفس المرتب 130 يورو من التمبوس ،انما الدكتوراه بيدرسوا 4 سنين بياخدوا 450 يورو اول سنتين والسنتين التانين 580 يورو.
*بالنسبه للي ناوي يقديم علي ماستر او دكتوراه لازم يكونوا من اعضاء هيئه التدريس او جهه بحثيه تابعه للجامعه فهي مش متاحه لاي طالب مخلص بكالريوس و عايز يكمل دراسه بره مصر.
*دراسة الباكلريوس متاحه لاي طالب حاصل علي شهادة ثانويه عامه حتي لوعدي عليها اكتر من 4 سنين.
لغة الدراسه بتكون انجليزي او مجري
لو انجليزي لازم يكون معاك شهادة تويفل او ايلتس او اثبات لغه انك درست قبل كده في المدرسه او الجامعه بالأنجليزي
لو عايز تدرس بالمجري ف بيكون في سنه تحضيريه بتدرس فيها لغه مجريه و بعض الأساسيات في الرياضه و الفيزيا بالمجري ( بس اللغه المجريه مش سهله و مفيش ناس كتير بتتكلمها يادوب ال10 مليون الي في المجر بس )
العدد المتاح ل مصر في المنحه السنه اللي فاتت 2017/2018 كانوا عايزين 4000 طالب علي مستوي العالم و مخصص منهم 100 طالب من مصر، 65 بكالريوس و 20 ماستر و 15 دكتوراه .فالعدد كبير واحتمال العدد يزيد السنادي
التخصصات المفتوحه ؟
في تخصصات كتير مفتوحه معظمها هندسيه زي ميكانيكا وكهربا وكومبيوتر و عماره وكيميا وعلوم طبيعيه زي زراعه وفيزيا ورياضيات وغيرهم ممكن تشوف الاقسام اللي مفتوحه لمصر السنه اللي فاتت من هنا :
من هنا( التخصص الي قدامه علامة x قدام كل دوله يعنى متاح للدوله دي)
البكالوريوس هنا بيكون 3 سنين لمعظم التخصصات، و 3سنين و نص للمجالات الهندسيه ،ماعدا عماره الدراسه بتكون 5 سنين مقسمه ل (3 بكالريوس - 2 ماستر) و ده بيكون برنامج كامل علي بعضه
المنحه بتفتحلك انك تتحلك انك تقدم في 3 جامعات وممكن بتخصصات مختلفه ولو اترفضت في جامعه ليك فرصه انك تتقبل في التانيه وهكذا
المنحه بتفتح امتي ؟
المنحه هيبدأ الاعلان عنها في اول ديسمبر 2019 كمان شهر وهينزل بالتتابع شروط المنحه والاوراق المطلوبه والاقسام المفتوحه لكل بلد والجامعات المتاحه لكل تخصص.
ممكن تشوف البرامج المفتوحه في الجامعات المختلفه بتاعت السنه الي فاتت
هتلاقوا هنا الديسكربشن بتاع كل كورس بالظبط
من هناوبيكون في اونلاين ابليكيشن بيفتح من نص شهر يناير لحد اول شهر مارس ودا شرح ازاي تملى الابلكيشن الاونلاين بتاع السنه اللي فاتت :
من هناده جروب خاص بالمنحه عليه كل الناس الي سافرت قبل كده لو حد عنده سؤال بعد ما يقرا البوست ممكن ينزله هناك
من هناعشان تجهز ورقك للمنحة دي او اي منحه بشكل عام هتحتاج شويه اوراق زي
موتيفيشن ليتر ،باسبور ،شهاده ثانويه ولو دخلت جامعه تجيب شهاده الجامعه ( التقدير مبيفرقش ) وشهاده صحيه واثبات اجاده اللغه وهتكلم عن النقطه دي بالتفصيل ... ولو انت ماستر او دكتوراه بتحتاج 2 ريكومينديشن ليتر،و طبعا كل الاوراق بالانجلش او تترجمها و بعض الورق بيتوثق من الخارجيه.
الورق.
شهاده اثبات اللغه : في كذه طريقه
الأضمن و الاحسن امتحان الايلتس او التوفل وتجيب B2 يعني 5.5 فيما فوق
او انك تكون درست الثانويه بالانجلش بتجيب ورقه من مدرستك انك كنت بتدرس بالانجلش
لو انت بتدرس في جامعه بتجيب ورقه ان دراستك بالانجلش في الجامعه ودي مش كل الجامعات بتوافق بيها لانهم بيشترطوا تكون خلصت مرحله كامله بالانجلش زي المرحله الثانويه او الجامعيه لكن في جامعات تانيه بتقبلها عادي.
بتروح شئون الطلبه في الكليه بتاعتك وتقولهم عايز اثبات دراسه بالانجلش ( طبعا مكتوب بالانجلش )
في جامعات تبع المنحه مش بتحتاج شهاده لغه ،بتعملك امتحان سكايب و بتحدد علي اساسه تمكنك من اللغه.
موتفيشن ليتر :
من الاهم الاوراق المطلوبه في المنحه تقريبا بيبقى عليه نسبه كبيره للقبول فلازم يتكتب كويس وخد وقتك في كتابته هو عباره عن صفحه او صفحه ونص بتكتب فيها انت عايز تسافر ليه بإختصار و بتتكلم عن نفسك انت مين وليه اخترت المجال ده وليه عايز تسافر المنحه دي وايه اللي هتضيفهولك جديد وقد ايه المنحه مهمه وناوي تعمل ايه بعد ما تخلص وشوف على اليوتيوب والنت هتلاقي امثله كتير جدا.
المهم انه بيكون بيعبر عنك انت مش متاخد كوبي باست من النت عشان لو اتعملك انترفيو ممكن تتسال فيه.
باسبور :
اكيد لازم يكون معاك باسبور ساري لحد 3 سنين علي الأقل
ورق ترانسكربت :
لو بتدرس في جامعه بتروح شئون الطلبه تطلع بيان درجات بالسنين اللي درستها في الجامعه بالانجلش لو معرفتش طلعه بالعربي وترجمه ( التقدير مبيفرقش )
شهادة الثانويه :
دي ورقه مهمه برضه بتطلعها من مدرستك او الاداره التعليميه الي انت تابع ليها بيطلعهالك مترجمه بالانجلش ب 20 جنيه وجاهزه لتوثيق الخارجيه.
** لو انت لسه ف ثانويه عامه ممكن تقدم برده و تجيب ورقه انك في ثانويه عامه و بتكتب طلب للمنحه انك هتبقي ترفع الشهاده بعد الأمتحانات بحد اقصي يوم 1 اغسطس.
شهاده صحيه :
دي مهمه برضه مطلوب ورقه للخلو من الامراض ولازم من مستشفى حكوميه وتتختم بختم النسرو تتوثق من الخارجيه و بتعمل تحاليل ( فيرس A , فيرس B و فيرس C وتحليل الايدز )
