الرئيسية / المقالات /
9510 مشاهدة21 يناير 2019

الشاب اللي قدر يوظف آلآف الشباب من وهو في الجامعة - STJEGYPT

الشاب اللي قدر يوظف آلآف الشباب من وهو في الجامعة - STJEGYPT


شاب سنه صغير قدر يكون سبب في توظيف الآلاف من الشباب في مصر .. وكل ده وهو لسة في الجامعة

سفير الشغل.. هو اللقب اللي أطلقه الناس عليه واشتهر بيه

هو أندرو أشرف



عمره 22 سنة خريج كلية الحاسبات والمعلومات بجامعة القاهرة حاصل على دبلومة في إدارة الأعمال من جامعة أكسفورد، وماجستير من جامعة بنسلفانيا في الولايات المتحدة الأمريكية

لكن علشان يوصل للمركز ده ويصبح سفير الشغل عدى بمراحل كتير في حياته واشتغل أكثر من شغلانة بسيطة واتعرض لصعوبات كتير .. هنعرضلكم بعضهم

بدأ من كتابة التعليقات والمشاركة في صفحات الفيسبوك، ثم عمل كمُسوّق في الشارع ثم أصبح مصمم جرافيك لكن براتب ضعيف جدًا ولكن إصراره جعله مصمم محترف من أدوبي



ثم عمل بشركة كموظف في قسم تكنولوجيا المعلومات وكان بيشتغل 12 ساعة متواصلة يوميًا براتب رمزي 400 جنيه في الشهر حتى أصبح مدير قسم تكنولوجيا المعلومات في الشركة نفسها

بعدها شارك صاحب الشركة ومكنش معاه ولا مليم وده اضطره يصفي شراكته فيما بعد



لكن ده مكنش نهاية طريق السفير دي كانت بداية سلسلة نجاحاته

رجع يشتغل في مجال المبيعات في شركة عقارات تاني بعد فترة وأصبح قائد فريق المبيعات في الشركة ومهاراته جعلته يتمكن من تولي منصب مدير تسويق في شركة سيارات



العمل الحر لسفير الشغل

يمتلك أندرو أشرف شركتين إحداهما شركة لاستيراد الساعات والأخرى مخصصة لأدوات الحاسب الآلي وتصنيع أجهزة طباعة ثلاثية الأبعاد

يعمل علي راديو تسعينات إف إم كمذيع برنامج سفير الشغل



حكايته مع سفير الشغل

من سنتين بدأ ينشر أي إعلان شغل تبع شركة يقع في طريقه على حسابه الخاص بالفيسبوك لحد ما الشركات بدأت تلاحظ مجهوداته ونشاطه على الفيسبوك لخدمة الشباب وبدأوا يبعتوله إعلانات وظايف واعتبروه حلقة الوصل بينهم وبين الأيدي العاملة من الشباب اللي بيبحثوا عن فرص عمل مناسبة ليهم بمرتبات جيدة



وسر ثقة الشباب ومتابعته لأندرو

هو حرصه على التحقق من صحة ومصدر الشغل قبل الإعلان عنه عن طريق مكالمة هاتفية مع الشركة المعلنة وبعدها بيتوجه مندوب من مبادرته سفير الشغل لمقر الشركة للتأكد من صحة كلامها بنفسه

وقدر يدرّب أكثر من 15 ألف شاب للتأهيل لسوق العمل على مستوى جامعات مصر ويكون سبب في توظيف أكثر من 11 ألف شخص



أندرو خصص جزء كبير من وقته ومجهوده وتفكيره علشان يساعد كل شاب في إنه يكون مؤهل لسوق العمل ويلاقي فرصة عمل مناسبة مع مهاراته من خلال نشر الوظائف المختلفة على صفحته الشخصية اللي يتخطى عدد متابعينها الربع مليون



ومؤخرًا.. تم تكريمه من قبل إدارة الفيسبوك كواحد من أكثر الشخصيات المؤثرة في الشرق الأوسط كله

Share

Suggestions

Back to Top