الرئيسية / المقالات /
3948 مشاهدة25 مارس 2019

لا تفوت أكبر حدث في تاريخ البشرية في 2020 - STJEGYPT

لا تفوت أكبر حدث في تاريخ البشرية في 2020 - STJEGYPT


في عام 2020 عصر البيانات الضخمة هيتنقل نقلة نوعية وهيتولد في الأجهزة مساحة أكثر من 40 تريلليون جيجا بايت تكفي لتسجيل كل الكلام الذي نطق به البشر وبجودة عالية جدا.. متخيل معايا.. احنا بنتكلم في تسجيل هيكون من عصر سيدنا آدم لحد يومنا ده



نعم يا سادة إنه إنترنت الأشياء

لو لسة مش متخيل إزاي الإنترنت هيتحكم في كل تفصيلة في حياتنا .. يبقى ركز كويس أوي في المقال ده علشان تعرف شكل مستقبلك



مفهوم إنترنت الأشياء موجود في حياتنا من زمان من بداية انتشار الهواتف الذكية، لكن محدش كان يتوقع انتشاره المهول في غضون سنين قليلة، وتطوره لدرجة إن كل حاجة في حياتنا بنعملها هتكون متصلة بشبكة الإنترنت

يعني نقدر نقول إنه هو الشكل المتطور لشبكة الإنترنت .. كل الأشياء حوالينا زي أجهزة المنزل مثلًا هتكون ليها قابلية الإتصال بالإنترنت أو ببعضها لإرسال واستقبال بيانات لأداء وظائفهم بصورة فعالة



لو مش مستوعب أوي المفهوم النظري.. هنبسطهالك بأمثلة حياتية بنعيشها وهنعيشها يوميًا

لو حضرتك كنت في نص طريقك لمشوار معين وافتكرت إنك نسيت الفرن مفتوح.. ببساطة هتقدر تديله أمر من خلال اتصاله بالإنترنت إنه يطفي من غير ما تضطر ترجع البيت تاني

ولو في حاجة عطلت في البيت مش هتستناك تكتشفها .. هي هتيجي بنفسها وتقولك على عطلها



تعالى نتعرف على حقيقة رقمية مخيفة

في خلال سنتين من الآن حجم التعامل في سوق إنترنت الأشياء هيتفوق على حجم سوق الهواتف المحمولة والأجهزة الحاسوبية مجتمعين بمقدار الضعفين .. يعني اللي فاكر إن الكمبيوتر والموبايل أصبح مسيطر علينا بشكل كبير .. أحب أقوله أنت لسة مشوفتش حاجة



الخبراء وضعولنا عدد من السيناريوهات في موضوع إنترنت الأشياء واللي بعضها موجود حاليًا زي

حضرتك تقدر تقفل أو تفتح شبابيك بيتك وأنت موجود في أي مكان بالعالم

عربيتك هتكون عارفة مواعيدك وامتى بيكون في بطيء في حركة المرور وممكن كمان تبلغ الطرف الآخر إنك هتتأخر شوية



..إنه عصر اللآلآت

Share

Suggestions

Back to Top