الرئيسية / المقالات /
7337 مشاهدة09 ديسمبر 2016

جهاد ابراهيم - Gehad Ibrahim - STJEGYPT

جهاد ابراهيم - Gehad Ibrahim - STJEGYPT



❀ الإعاقة إعاقة فكر وليس إعاقة جسد :)

- مكانش عندها مجال حتي تتنفس .. تفتكري لو مكانها هتعملي إيه ؟!
● "الدكتورة جهاد ابراهيم" : أصيبت بشلل الأطفال ولكن أسرتها كانت مؤمنة بقدرات أطفالها و دا ساعدها كتير في تحقيق طموحاتها الرياضية والدراسية .. بتقول كنت مؤمنة بإن دا إختبار من ربنا .
- بتحكي من أكتر المواقف الصعبة اللي مرت بيها "لحظة دخولى المدرسة أول مرة وعدم قدرتى على الوقوف عندما دخل المدرس الفصل وسألنى باستخفاف وسخرية ، هل مازلتى نائمة حتى الآن :D
فهمس له أحد الزملاء بأننى معاقة ، كم كانت تقتلنى هذه الكلمة ، وفى نفس الوقت كانت حافزا قوى لى للتحدى وإثبات أننى لست معاقة ، وأننى لا أقل عن بقية زملائى فى الفصل ، فتفوقت منذ السنة الأولى فى الدراسة وكنت دائما الأولى على المدرسة "
- دخلت علمي علوم وكان نفسها تدخل كلية الطب قسم عظام لعلاج أي طفل من مرض شلل الأطفال وكانت الصدمة انها جابت 92% وكانت الكلية بتقبل أعلي من كدة .. والدها أقنعها بدخول كلية التربية ولما راحت تقدم قالـولها انتي مرفوضة طبيا :) مكانش قدامها غير كلية البنات جامعة عين شمس "اداب قسم اجتماع" واللي كان بعيد كل البعد عن دراستها العلمية .. حتي هنا قابلها عقبة مفيش اسانسير وكل محاضراتها اللي كانت كلها في أدوار عليا :O .
- ميئستش وكانت بتستني صحابها تاخد منهم المحاضرات في نهاية اليوم لحد ما شافتها مديرة الجداول وقامت بنقل كل المحاضرات للدور السفلي وكانت الأولي علي الدفـعة واتعينت معيدة وبعدها حصلت علي الماجستير بتقدير امتياز ^_^ وحاليا هي مدرس مساعد بكلية الأداب .
● مش بس تفوق دراسي لأ دي راحت إحدي مراكز العلاج الطبيعي وشافتها خبيرة المانية وقالت إنها تقدر تمارس السباحة وفازت ببطولة الجـمهورية للسباحة للمعاقين سبع مرات علي التوالي .
- مفتكرش في كلام ممكن أقوله بعد إصرارها ونجاحها بعد إن مكانش قدامها أمل واحد بعد ضحكتها وتفاؤلها اللي في الصورة دي .. إصنعي من نقط ضعفك سلم لنجاحـك و إوعي تتنازلي عن إنك تثبتي وتقولي أنا موجودة و #ب100_ست .

Share

Suggestions

Back to Top