الرئيسية / المقالات /
6940 مشاهدة11 ديسمبر 2016

سامسونج صنعة هارد مساحته 16 تيرابايت أو 16 ألف جيجا , تعرف عليه - STJEGYPT

سامسونج صنعة هارد مساحته 16 تيرابايت أو 16 ألف جيجا , تعرف عليه - STJEGYPT


• الهارد سعته التخزينية تعادل 7 مليار ورقة أو 3,500 DVDs أو 13 دماغ بشري.
.
• الهارد ليس ميكانيكي بأجزاء متحركة مثل الهاردات التقليدية، بل solid state drive لا يحتوي على أجزاء متحركة ويعتمد على الكهرباء بدلًا من المغناطيس في التخزين ودا يجعله أسرع بمئات المرات من الهاردات العادية.
.
• الهارد بينقل بسرعة 1.2 جيجابايت في الثانية، السرعة دي عالية جدًا جدًا لدرجة إنها تحتاج على الأقل 16 جيجا رامات لتسطيع متابعة الهارد.
.
• الهارد بيستخدم تقنية جديدة أسمها V-NAND بتقلب خلايا الذاكرة على جانبها بشكل أفقي وتسمح لك بإن يكون عندك مئات خلايا الذاكرة واقفين مع بعضهم جنبًا إلى جنب بشكل عمودي بدلًا من خلية ذاكرة واحدة بشكل أفقي (كما في التقنيات التقليدية) ودا هيسمح بصناعة إلكترونيات أسرع بعشرات أو مئات المرات مستقبليًا وأرخص وأكفا.
.
• الهارد كفاءته عالية جدًا جدًا بفضل التقنية الجديدة لدرجة إنك ممكن تمسحه وتعيد ملؤه تاني كل يوم بدون أدنى خلل.
.
• أول هارد (سنة 1956) تم صناعته في التاريخ كان ثمنه 150 ألف دولار ووزنه طن وربع (بيتنقل حرفيًا في طائرة) وبيخزن 5 ميجابايت فقط، صناع التكنولوجيا أستغرقوا 51 سنة للوصول من 5 ميجا لأول هارد مساحته تيرابايت (في 2007) ولكن التيرابايت الثانية أستغرقت سنتين فقط وأول هارد 2 تيرا نزل في 2009 (مقارنة بال51 سنة إللي خدناها للوصول لتيرابايت) ودي يدي نبذة بسيطة عن التقدم الصاروخي للتقنية.
.
• الهارد حاليًا مصمم للشركات الكبرى (بسبب سعره الغالي شوية على المستخدمين العاديين) ولكن رئيس سامسونج بيقول إن في خلال من سنتين - 5 سنوات القادمة هيكون ثمنه أقل من 300 دولار وهيقل أكتر في السنوات التالية وهيبقى فيه حاجات أعظم منه أسعارها متوافرة لأي مستخدم عادي بفضل التقدم السريع في المجال.

كتابة : محمود مهدلي

Share

Suggestions

Back to Top