بقالى فترة بدور على الموقع ده وناسى اسمه 
وفى وسط ما انا بحاول اجبلكوا كل يوم موقع جديد ومفيد ، وبنجتاج بشكل او باخر فى حياتنا العملية ،الموقع ده ممكن تسميه ابو المواقع ،أو زى المواقع ...

طبعا انتوا مستغربين اللغز ده ، الموقع ده بيقدر يجبلك المواقع المتشابهة ، يعنى على سبيل المثال علشان نبسط الموضوع

وليكن على سبيل المثال لو أنت تعرف موقع زى الفيس بوك وعايز تعرف ايه مواقع السوشيل ميديا المشابهة ، ده باعتبار أنك متعرفش ان فى منصة بتقدم نقس الخدمة اللى بيقدمها الفيس بوك فبيظهرلك فى النتائج مثلا توتير وانتسجرام ومواقع تانية 

الموقع ده بيجيبلك كل المواقع المتشابه اللى بتقدم نفس الخدمة ، طب ممكن تسألنى وتقولى بس الموقع ده هستفاد منه فى ايه 
فى ناس كتير بتستخدم مواقع معينة بطبيعة شغلها ، وبتكون حابة تستفيد بكل الخدمات اللى تقدمها بقيت المواقع فى نفس المجال ، الموقع فعليا جامد جدا 

خشوا جربوا دلوقتى كدة وشوفوا النتائج هتظهرلكوا ايه وعلشان تدخلوا على الموقع من هنا