"كتاب "نظرية الفستق
كتبت / مريم أسامة
تخيل نفسك راكب طيارة و أول مرة تسافر بالطيارة وخايف شوية ومستني المضيفة والطيار يتكلموا ويطمنوك وحاولت تهدي نفسك شوية وإذا بالطيارة بيتكلم وبيقول اهلا بيكم عملائنا المسافرين نود أن نبلغكم سعادتنا بوجودكم معانا في حفلتنا والتي ستسافر الي ........,
ونود أن نعلم سيادتكم أن الرحلة ستنتهي في وقت ...... في الحقيقة مش لازم نحدد وقت وهنزل في مطار ..... بردو مش مهم كدة كدة هنوصل أن شاء الله
قولي شعورك بعد ما سمعت كلام الطيار هل تشعر بالأمان؟
اكيد لا، هتعمل ايه ؟
هروح ازعق مع الطيار وتقوله ازاي مش عارف احنا واجهتنا لفين
هيقولك انا عارف انا هعمل ايه كويس ومتدخلش في شغلي "
خلينا نقول إن الطيارة هي رحلتك في الحياة وكمان نتخيل أن انت الطيار اللي متحكم في حياتك بس بدون هدف ولا تحديد جهة معينة هتمشي فيها ولما حد يقولك يا بني ازاي كدة سيبوني في حياتي انا عارف انا هعمل ايه كويس
ده للاسف بيحصل كتير عشان كدة حياتك مش هتبقى مضمون نجاحها لانك من الأساس مخدتش فكرة هتوصلها لفين او ازاي فأنت تعتبر تائه لاي مكان هتروحه
الخلاصة واللي بتلاقيها في كتاب "نظرية الفستق "لفهد عامر الاحمدي أن مربط حياتك يكمن في تحديد مسارك وأهدافك والليونة في تحقيقها واللي بيأكد علي وجود الخطة للهدف اهم حاجة لتحقيقه
محتويات الكتاب
الكتاب عبارة عن 330 صفحة منقسم ل 60 مقال بس متقلقش الصفح مش مكدسة فتقدر تخلصه بسرعة والمقال عبارة عن قصة بيحكها وبيخرج منها الخلاصة أو الفكرة في الاخر الكتاب ومقالاته جميلة جدا في الحقيقة كفيلة أنها تخليك تغير وجهة نظرك في الحياة وكمان طريقة حكمك في الحياة
وهبيتدي يقدملك ادوات مهمة في حياتك هتحتاجها في مشوارك في شكل مقالات قصيصية ممتعة ومش مملة خالص منهم
إن الفاشل بيشوف العقبات والناجح بيركز علي الهدف النهائي
أما عن سبب اسم الكتاب واللي محير ناس كتير ايه هي نظرية الفستق
فالكاتب بيحكي وبيقول أن لو انت نزلت تشتري فستق وسوقت العربية وفي الطريق تعانفت مع سائق تاني او عملت سباق معاه وادي في النهاية لصدام العربيتين ونزلت تتخانق معاه وادي الخناق لموت أحد الطرفين وسجن الاخر والقضاء علي اهلهم واحلام أسرتهم وبدل ابنه ما يدخل كلية الطب اللي كان نفسه فيها هيدخل السجن أو يتغير مسار حياته ولو كشف عن السبب هتلاقيه فستق !!!!
وهذا يعني أن المشاكل تبدأ لصغير وتنهي بأكبر الكبائر فقط من أجل الفستق.
_ لينك تحميل الكتاب :
من هنا://play.google.com/store/apps/details?id=com.devpro.h_h.nadariyatfostok
