"كتاب أربعون"
كتبت / هاجر حسن
عمرك تخيلت قبل كده أنك عايش في جزيرة من غير بشر ولا إنترنت ولا تليفون والجزيرة دي هتعيش فيها لمدة أربعين يوم وده بالظبط اللي عمله أحمد الشقيري.
_الكتاب ده هو "الأربعون" ل أحمد الشقيري.
اختار الشقيري أربعين يوم بالتحديد كان اجتهاد شخصي من بعد ما شاف إن الرقم ده بيتكرر أكتر من مره سواء في التاريخ أو في القرآن أو في الحديث وبعد ما وصل الشقيري لسن الأربعين قرر إنه يشارك أهم الخواطر اللي كتبها خلال فترة الأربعين يوم وقرر بمشاركة الخواطر دي متفرقة سواء عن حياته أو المشاكل النفسيه اللي بيمُر بيها أو عن القرآن أو عن التحسينات اللي قام بيها أو الكتب اللي قرأها.
في الملخص ده هنحاول نتكلم عن أهم الخواطر اللي اتكلم عليها بس طبعاً مش هنقدر نغطي كل افكار الكتاب في لو انت حابب تستفيد اكتر تقدر تقدر تقرأ الكتاب بنفسك.
فكرة الخلوة او العزلة اللي عملها الشقيري كان ليها أهداف مهمه عنده :
١-أنه يتخلص من كل العادات السيئة.
٢-يوصل لفكرة السلام الداخلي اللي الشقيري بيقول عليها أنها موجوده في القرآن بأسم النفس المطمئنة.
٣-يقيم الماضي ويخطط للمستقبل وخصوصا بعد ما وقف برنامج خواطر.
٤-يرجع لعادة القرآن.
قسم الشقيري الكتاب الي :
١-مع حياتي : يقول فيه الشقيري أربعين موقفا أثرت في حياته من طفولته حتى الآن.
٢-مع قرآني:يعرض الشقيري اكتر من أربعين آيه أثرت في مسيره حياته ووضح اي اللي فهمه من الآيات دي واي التفسير اللي دخل قلبه.
٣-مع نفسي : تب الشقيري الصراعات النفسية اللي أتعرض ليها وازاي اتغلب عليها وعن العادات السيئة وازاي تم التغلب عليها لتحسين حياته والوصول الي السلام النفسي.
٤-مع تحسيناتي :ذكر الشقيري فيها شويه طرق وافكار وتطبيقات حسنت من حياته ومن السهل تطبيقها مثل تطبيق my sleep cycle لمراقبه النوم وازاي الاستيقاظ بنشاط.
٥-مع قصصي : قال الشقيري ان القصص أسهل طريقه لتوصيل رسايل معينه ومؤثره وعشان كده هنلاقي في القرآن انه مليان بالقصص لأنها طريقه محببه للنفس البشريه.
٦-مع إلهي : يحكي الشقيري عن عبادته لله حبا وليس خوفا او طمعا في الجنة.
٧-مع كتبي :الشقيري ذكر الكتب اللي قرأها واثرت فيه وكانت سبب رئيسي في تحسين كتير من حياته.
٨-مع حكم الناس:قال الشقيري ان الانسان ممكن انه يوفر في وقته ويستفيد من تجارب الآخرين عشان ميبدأش من الصفر.
٩-مع ذكرياتي :شارك فيها الشقيري بذكرياته على شكل صور.
١٠-مع حكمي :كتب فيها الشقيري المعتقدات الخاصه بيه حول الحياة وكانت نتيجه لتجاربه الشخصية وتجارب اللي حواليه.
_ تقدر تحمل الكتاب من هنا
