- اكتشاف اقدم حيوان على وجه الأرض بعد ملايين السنين !
كتبت: بسملة فؤاد
دراسة بتأكد على اكتشاف اقدام حيوانات على وجه الارض، على شكل سفنج كانت موجوده من 890مليون سنه في شمال غرب كندا.
إليزابيث تورنر عالمة الحفريات من جامعة لورانسيان في مدينة سودبوري بكندا، اكتشفت هياكل شبه السفنج في نسيج صخور من شعاب Little Dal.
وشبيهه بالهياكل الصغيره زي الأنبوب، زي الموجودة في انواع السفنج الحديث، وتم اكتشافها حوالين قصب كربونات الكالسيوم اللي كونتها البكتيريا.
وبالفعل أثبت إن الهياكل المجهرية هي بقايا للسفنج القديم، وده بيكون اقدم سفنج من 350ملبون سنه.
وده بيكون دليل على إن الحياة الحيوانية ظهرت قبل 90مليون سنه زي ما كان بيعتقدوا قبل كده، بناء على تغيير مستويات الاكسچين في الغلاف الجوي.
والمفروض إن الحياة الحيوانية متظهرش على الساحة غير بعد رفع مستويات الاكسچين في ما يسمي بحدث الاكسچين (Neoproterozoic).
والسفنج يعتبر من أبسط أنواع الحيوانات المعروفة والمرشح الرئيسي للبحث عن اقدم الحفريات البيولوچية على ألارض.
تحليل جينومات للسفنج أشار انها اتطورت لاول مره من خلال "حقبة الطلائع الحديثة" من 1000 إلى 541 مليون سنه.
مع ذلك، الأدلة على إن السفنج الحفري الفعلي في الفتره الزمنية دي في السجل الصخري كانت مفقوده بشكل ملحوظ.
د.تيرنر في دراستها قامت بتحليل عينات صخرية مستخرجه من شعاب Little Dal المرجانية، اللي اتكونت بواسطة نوع من البكتيريا اللي نتجت رواسب كربونات الكالسيوم.
حددت شبكات متفرعه من الهياكل الانبوبيه اللي بتشبة الهياكل العظمية الريفيه الموجودة في السفنج الحديث، وده اللي تم اكتشافة تحت المجهر، وده نوع زي الأنواع اللي استخدمت في صناعة سفنج الحمام.
د.تورنر أشار الى إن كل هيكل بيحتوي على بلورات الكالسيت المعدني وبيحيط بيها، زي الهياكل اللي تم تحددها قبل كده في صخور كربونات الكالسيوم، اللي يعتقد إنها نتجت عن تحليل سفنج قرني.
ووضح الدكتورة تورنر في بحثها إن "الكائن الحي مجهري الشكل اللي بيتراوح حجمه بين مليمتر الى سنتيمتر، كان بيعيش بس على الشعاب المرجانية اللي تم بناؤها عن طريق البكتريا الزرقا".
وبتضيف الى إن السفنج ده بيعيش في مناطق دقيقة متعرفش البكتيريا انها تعيش فيها.
ولو كانت البنية دودية الشكل هتبقى فالواقع النسيج المتحجر لسفنج قرني، فالمادة اللي تم وصفها بتمثل اقدم دليل حفري لأقدم حيوانات لحد دلوقتي.
والدليل على ده: "هيتقدم اول دليل مادي على إن الحيوانات ظهرت قبل حدث الاكسجة بطريقة الحياة الحديثة ومن خلال الحلقات الجليدية في الفترة الباردة نجدت".
