مصر كلها بتعاني من الدهون الزايدة فالبطن...جينالك الخلاصة.
كتبت/ إسراء أحمد
خلال اسبوع واحد لو مشيت على الخطوات دي هتلاقي الفرق كبير جدا في الدهون بشكل خاص وفي الصحة بشكل عام .
بس قبل ما ندخل ع الحلول لازم نعرفكم ان في نوعين من الدهون، وهي الدهون التي يمكنك الإمساك بها بسهولة بيدك، أما النوع الثاني فيعرف باسم "الدهون الحشوية"، ويتواجد في أعماق البطن ويحيط بأعضاء الجسم، وهو المرتبط بأمراض القلب وارتفاع ضغط الدم ومخاطر السكتة الدماغية..
ندخل بقى على 9 انواع عشان حضرتك تقدر تخلص من الحمل التقيل الا وهو الكرش :
1- التمرين:
اول مفاجأه بقى هتتفاجئها دلوقتي حالا..ان يا سيدي ويا ستي التمارين اللي مالية اليوتيوب والفيس والمجلات دي كلها بتقوي عضلات البطن لكن ملهاش اي صلة بالدهون اه والله زي ما بقولك كده.
طب اعمل اي عشان اتخلص م الدهون؟
اتحرك..اتحركي طول النهار كده متكسلوش وبردو مارسوا الرياضة عشان مفيدة.
2- الكارديو:
أفضل طريقة لمكافحة الدهون هي تمارين الكارديو. هتحتاج من 30 دقيقة لحد 60 دقيقة، وكل ده بيعتمد على كمية الدهون اللي عايزين نخسرها. وفي بردو رياضات تانيه بتحقق نفس الهدف زي السباحة وركوب الدراجات والقفز على الحبل والرقص والمشي السريع..
3- تمارين القوة:
النوع ده من التمارين بيساعدك على بناء العضلات وحرق الدهون بسرعة.
4- طريقة تناول الطعام:
عايزين تحسوا بالراحة علطول وتفضل تحرق فالدهون؟ تعالى اقولك ان افضل طريقة هي في انك تغير طريقة ومواعيد اكلك يعني جسمك مياخدش على معاد محدد ياكل فيه كل يوم دايما حسسه ان في تغيير كده متثبتوش على وضع عشان الخلايا تفضل شغالة.
5- تجنب السكر والمشروبات السكرية:
طبعا كلنا دلوقتي جه ف دماغنا البيبسي والكولا والمشروبات الغازية كلها..احب اقولك والعصاير المعلبة كمان اه الله هي كمان بردو بتزيد الدهون اعملوا عصير فريش افيد وارخص والله.
6- تناول المزيد من البروتين:
البروتين بنلاقيه في الفول والعدس مش بس فاللحوم عشان متحججش وتقول اصل مفيش فلوس اشتري فراخ ولحمة.
7- الألياف:
ناكل حجات فيها الياف لانها بتساعد على إبطاء الجهاز الهضمي وامتصاص العناصر الغذائية.
8- حضّر طعامك بنفسك:
الاكل بتاع بره والاطعمة المصنعة فيه سكريات ودهون اضافيه، وكل ده هيدمر مجهودك اللي بتعمله عشان تحارب دهونك. عشان كده متكسلوش وكلوا اكل بيتي.
9- النوم الجيد:
ومعاه التمرين اليومي والتغذية الجيدة، كلنا محتاجين ننام كويس. قلة النوم بتزود معدل اصابتنا بالامراض ، وبتزيد الوزن وتخلينا نحس اننا مجهدين
و ده لينك ابلكيشن هيساعدك تعمل الفورمة
حمله من هنا
