_ما هو اضطراب ما بعد التخرج؟!
كتبت/هاجر حسن
رغم فرحة التخرج والشعور بالإنجاز والحرية بالتخلص من ضغوط الدراسة والمذاكرة اللي دامت حوالي 18 سنه إلا أن عدد كبير من الشباب حديثى التخرج بعد أيام من ظهور نتيجتهم بيحسو بالقلق والضيق والحيرة والمشكله دي اتضح أن كل حديثى التخرج بيعاني منها وبعد شويه دراسات اكتشف أن الظاهرة دي بتخص كل شباب العالم وبتعرف باسم "اكتئاب ما بعد التخرج"
_ما هي أسباب اكتئاب ما بعد التخرج؟
فيه عدة أسباب للإصابة بأكتئاب ما بعد التخرج على رأسها المحاصرة طول الوقت بأسئلة سوأ من الأصدقاء أو العائلة عن خطتك اللي الجايه،وده عكس تماما وانت طالب ولسه بتدرس بتحس انك مطمن لكن بعد ما بتتخرج بتبتتدي تفكر ي ترى هشتغل او هعمل اي وده بيسبب عند حديثى التخرج بشعور من الضياع، وخاصة لما بتكون جربت تعمل مقابلة عمل اكتر من مره وكنت بتترفض ومش بتحصل علي وظيفة أحلامك.
_ازاي تتجاوز اكتئاب ما بعد التخرج؟
من أهم خطوات تجاوز اكتئاب ما بعد التخرج أنك تقوم بشوية تغييرات في حياتك، وأنك مينفعش تستسلم للنوم وتقضي كل وقتك في البيت، وإنما شئ ضروري أنك تتواصل مع أصدقائك وتخرج من البيت ويفضل أنك تمارس شوية تمارين رياضية.
ومن المهم جدا أنك تبقا فاهم ومدرك أنك مش لوحدك اللي بتواجهه التجربه دي، ومفيش داعي خالص للحيرة ولا الشعور بالاكتئاب ولا حتى التأخر في وظيفة أحلامك.
ومهم جدا أنك تشغل نفسك في تجهيز الCV الخاص بك وأنك تعرف كل ما يحتاجه سوق العمل.
وضروري جدا أنك متقارنش نفسك بحد لأن من أهم أسباب الشعور بالاكتئاب ما بعد التخرج أن الشاب بيفضل يقارن نفسه بآخرين.
ومهم جدا أنك تقول لنفسك أن دي مجرد مرحلة وهتعدي وأن كل مقابلات الشغل اللي أنت اترفضت فيها زادتك خبره.
