الرئيسية / المقالات /
2211 مشاهدة11 أغسطس 2021

نصايح لمعالجة التسويف - STJEGYPT

نصايح لمعالجة التسويف - STJEGYPT


"6 نصايح للتوقف عن التسويف"

كتبت/بسملة فؤاد

بنأنب نفسنا أوقات كتير بسبب تأخيرنا على إنجاز المهمات اللي محددنها.. وبالرغم من كده المماطلة مش كسل !!


كتبت/بسملة فؤاد


المماطلة مش بتتعلق بالمهمة قد ما بتتعلق بالمشاعر السلبية المرتبطة بالمهمة.


المماطلة مش متفرع منها الكسل بس، لكن متفرع منها القلق والخوف من الفشل والكمالية.


#قدامك 6نصايح هتساعدك على التوقف عن المماطلة:


1- قول دايما "انا هعمل كذا" بدل "انا عايز ابقى اعمل كذا".

التغيير ده دافع هحتاجه لتحريك نفسك، حوّل مشاعر الرهبة اللي جواك إلى قيادة.

مثال: "هبقى اذاكر المره الجايه عشان الامتحان" هتبقى "هبدأ اذاكر كويس عشان مستوى الامتحان الجاي يبقى احسن من اللي فات".


2- "حارب التكنولوجيا بالتكنولوجيا"

الانترنت زي ما هو كنز، هو لعنه في نفس ذات الوقت.

عشان تبعد نفسك عن Instagram استخدم تطبيق Freedom أو Rescue time.

اظبط منبهك على 25دقيقة شغل و5دقايق راحة وخلي المنبة يلفت انتباهك، جذب الإنتباه هيساعدك على النشاط.


3- "متستناش العقاب عشان ضميرك يصحى"

اشخاص كتير بيستنوا للحظه الأخيرة عشان ينجزوا مهماتهم وده طبعا بيبقى ليه نتايج سلبيه، والمماطلة بتخلق الأعذار المناسبة أحياناً، وفي كل مره الشخص المماطلة بيجبد في ذاته على التأخير ده ومش بيصلح حاجه فالمره اللي بعدها وبيعيد نفس الكرّه من جديد، وده اسمه إعاقة الذات.

والشخص المماطل بيحاول يدي لنفسه معتقدات ايجابيه. زي:"انا مانجحتش في الامتحان بس انا ذكى".


4- "بص للعظمة مش للكمال"

انا هجيب 100% يا أما مافيش

انا لو مانجحتش في كل حاجه يبقى انا فاشل

مفيش حاجه اسمها شخص كامل، لازم تفشل عشان تتعلم وتنجح، لازم تقع عشان تتعلم ازاي تقف وماتوقعش نفس الواقعه.

فيه حاجتين هيساعدوك على تقليل الكمال:

متقيمش نفسك ب يا ابيض يا اسود ، يا100% يا أما مافيش 0%.

خلّي في توازن، قيم نفسك من 0 الي 100

والحاجه التانية دي بقى نينچا:

مش معنى انك فشلت في مهمه واحده او امتحان يبقى سفينتك غرقت !

وسّع نظرتك لنفسك، خلّي عندك مهارات ومواهب، ماتربطش قيمتك بكل أداء أو مهمه تعملها لأن ده اللي بيزود التوتر عندك وبيخليك شخص سطحي.


5- "اتحدى نفسك وماتبعدش"

فيه دراسة اتعملت ف2013، الدكتور تيموثي بيتشل اكتشف ان الانسان مش بيلجأ للمهام الشاقة أو المرهقة عشان ينجزها، لكن بيعملها عشان يتجنب المشاعر السيئه المرتبطة بالمهمه.

زي انك تنضف مكتبك قبل المذاكره، هيخليك تحس بالراحه المزاجيه على المدى القصير، لكن على المدى الطويل هتحس بالقلق والتوتر

عشان كده لما تبقى عايز تحسن من حالتك المزاجية عن طريق المماطلة، لازم تستوعب ان المماطلة دافع مزيف، وبعد كده حسن من حالتك المزاجية بإنك تغوص في المهام، ممكن انك تقوم بمهام أصغر الاول هيخليك تحسن حالتك المزاجية هتخليك تستمر وتحس بالرضا.


6- "الشخص المماطل مشلول بسبب التردد"

كتير فاكرين ان الشخص المماطل مش قادر انو يبدأ ومتردد ديما.

ومع ذلك الشخص المماطل النشيط ديما بيأجل شغلة لآخر لحظه، وبيشتغل تحت ضغط، لو انت بتحب تشتغل تحت ضغط يبقى انت مماطل نشط

فيه دراسة اتعملت، فريق البحث اكتشف ان المماطل النشط شبه المماطل العادي، وجه الاختلاف بينهم أن المماطل النشط بيستخدم الوقت بشكل هادف ومقتنع بقدراته في تحقيق ذاته.

عشان كده من المهم جدا انك تتجنب انتظارك لاخر لحظه لإنجاز المهام، استخدم المماطلة لصالحك، هتحول المماطلة والكسل لدافع.


Share

Suggestions

Back to Top