الرئيسية / المقالات /
26097 مشاهدة14 أغسطس 2021

٦ عادات بتدمر صحتك النفسية - STJEGYPT

٦ عادات بتدمر صحتك النفسية - STJEGYPT


٦ عادات تضر صحتك النفسية

كتبت/بسملة فؤاد


معظم الناس بقت تعاني من الإحباط والأرق والسبب !!


_ عوامل تؤثر في تغيير حالتك المزاجية:


- البيئة المحيطة ممكن تكون سبب من الأسباب

- عادات بتعملها بتضر صحتك العقلية

- أو ممكن أشخاص بيؤثروا عليك بالسلب


صعب جدا نحدد المشكله المتعلقة بالصحة العقلية اكتر من أننا نحدد المشكله المتعلقة بالصحة البدنية.


من المهم جدا استثمار وقتك وجهدك ضمن صحة عقلك عشان تساعدك على انك تكون اكتر وعي بميولك.


فيه 6 عادات بنعملهم بس للاسف هي مش في صالح صحتنا العقلية وهي:


1- "المثالية والكمال"

بتسعى انك تكون حريص جدا على عمل كل شيء بمثالية سواء في الشغل أو في الدراسة، لكن التفكير في الكمال ده في حد ذاته فشل، العادة دي هتخليك تشعر بعدم اليقين وده هيزيد من التوتر والخوف من الفشل طول الوقت، وده طبعا هيقلل من تقديرك لذاتك وثقتك بنفسك.


2- "الإفراط في استخدام وسائل التواصل الاجتماعي"

كم وقت بتقضية في التصفح على السوشيال ميديا؟!!

بالنسبه للاطفال بيزود عندهم القلق ومشاكل في احترام الذات عند المراهقين

التصفح على Instagram و Facebook وبتشوف ناس بيعرضوا حياتهم وصورهم عليه هيخليك تقارن بين حياتهم وحياتك، والعادة دي هتولد عندك الشك وهتزيد من سوء مزاجك وهتجيبلك اكتئاب.


3- "عدم ممارسة الرياضة"

ممارسة الرياضة بتساعدك على تحسين صحتك العقلية، الهرمونات والتفاعلات الكيميائية اللي بتحصل لما بتمارس الرياضة بتخفض من معدل القلق والاجهاد والاكتئاب، عشان كده من الضروري جدا ممارسة الرياضة اليومية.


4- "الندم"

الندم على حاجات حصلت في الماضي هتخليك تشعر بالذنب طول حياتك، وده بيدهور من صحتك العقلية، من الطبيعي الشعور بالندم بس امتى يحصل ده لما تكرر نفس الغلطة اللي حصلت في الماضي.


5- "أخذ الحياة على محمل الجد"

من الطبيعي أن يكون عندك غلط عملته بسيط ودقيق ف بدل ما تاخد الموضوع على محمل الضحك وعدم التدقيق، بتركز على سبب ارتكاب الغلط وتبدأ في الشعور بالذنب والخجل

فيه دراسات بتأكد على إن الضحك ليه فوائد للصحه الجسديه والعقلية، لانو بيقلل من القلق، عشان كده بص على الجانب المضحك عشان تحسن حالتك العقلية.


6- "قلة النوم"

بتنام كام ساعة في اليوم؟!!

انشغالك بالشغل بيخليك تضحي بالنوم، لكن العاده دي بتضر صحتك العقلية، خلايا العقل من الصعب عليها التواصل لفتره طويله ف انت كده لتدميرها

60 إلى 90 من مرضى الاكتئاب بيعانوا من الأرق واستمرارك فى العادة دي بيرهق جسمك.


Share

Suggestions

Back to Top