الرئيسية / المقالات /
5956 مشاهدة19 ديسمبر 2016

كوكب اليــــابــــان - ليه أدهش العالم - STJEGYPT

كوكب اليــــابــــان - ليه أدهش العالم - STJEGYPT



كوكب اليــــابــــان .. البلد الي مش بس أدهش العالم بالإرادة والتقدم العلمي .. لأ كمان أدهشهم بالتقدم في الأخلاق والتصرفات .. على سبيل المثال وليس الحصر هنعرض لكو شوية تصرفات تتعارض تماما مع تصرفتنا كمجتمع عربي :)
1- الإكرامية ، البقشيش ، أو ال Tips 
"الشاي بتاعي يا باشا" .. الكلمة دي محدش يعرف معناها إلا اللي عاش في مصر .. وشرب من نيلها .. وجرب يغنيلها .. البقشيش او الإكرامية او الـ (Tips) هو رشوة أنيقة حبتين .. منتشرة تقريبا في أنحاء العالم .. ماعادا اليابان .. في اليابان لو حاولت تدي لسواق التاكسي أو نادل في مطعم أو أي حد أي مبلغ كبقشيش بيعتبروها إهانة وبيبصولك بصة إحتقار كمان! لأنهم ببساطة مقتنعين أن المبلغ الي أنت بتدفعو كفاية للخدمة الي إنت بتاخدها.
2- النوم في الشغل
بينا وبينكم كدا .. كام مرة إتفقت مع زمايلك أنك تنام خمس دقايق ويغطو عليك لحسن المدير يشوفك ؟ .. كتير صح ؟ .. في اليابان مفيش كدا .. في اليابان الموظف الي عايز ينام في الشغل محدش يقدر يصحيه .. ولا حتى المدير .. لأنهم بيعتبرو الموظف دا تعبان في الشغل لدرجة متخليهوش بينام كويس في بيتو.
3- النظافة مسؤلية 
النظافة من الإيمان .. المبدأ المطبق في العالم كلو إلا مصر .. بس الصراحة في اليابان المبدأ مطبق –كالعادة- بإختلاف .. في اليابان ، وخصوصا المدارس ، المسؤلين عن النظافة هما الأشخاص العادية .. زيي وزيك وزينا كلنا .. دا طبعا مش هدفو تعذيب الأطفال ولا الإرهاق الزيادة على اللزوم ..بالعكس .. العلماء الي بيعملو دراسات على الموضوع دا لقو إن الأنشطة دي بتزود روح العمل الجماعي والإعتماد على النفس.

Share

Suggestions






Popular Summer Training


Popular ScholarShips


Back to Top