الرئيسية / المقالات /
6578 مشاهدة19 ديسمبر 2016

لمحة من روعة و ابداع اليابان .. - STJEGYPT

لمحة من روعة و ابداع اليابان .. - STJEGYPT



اليابان هتستضيف دورة الألعاب الأولمبية سنة 2020 في طوكيو.. واستعدادا للحدث ده فاليابان هتقدم التكنولوجيا كالتالي:
.
1- شبكات ال5G:
طوكيو هتستقبل أكتر من نصف مليون زائر في دورة الألعاب القادمة واستعدادا للحدث ده والكمية الكبيرة دي من الزوار فهيتم تفعيل شبكات ال5G اللي بيتم تطويرها عن طريق شركة DoCoMo بالتعاون مع شركة نوكيا واللي هتيم نقل 2 جيجا في الثانية والواحدة من خلالها بالمقارنة بال4G اللي بتقنل 300 ميجابايت في الثانية
.
2- جيش الروبوتات:
الجيش ده عبارة عن مجموعات من الروبوتات هتقوم بإستقبال الضيوف وتنقلهم وتترجملهم للغات الخاصة بيهم وتوسيع دعم الروبوتات للناس والمرضى في جميع الأعمار والطبقات الإجتماعية. الروبوت يكون أقرب ما يمكن لصديق أو رفيق بشري.
.
3- الترجمة الفورية للغات المختلفة:
اليابان بتشتغل على تطبيق يدعم الترجمة الفورية ل27 لغة مختلفة وحاليا شركة باناسونيك بتعمل جهاز صغير بيتلبس حوالين الرقبة بيترجم فوريا ل10 لغات مختلفة وتطبيق بيتم تشغيله على الموبايل بيشوف العلامات اليابانية وبيترجمها للغة حامل الموبايل.
.
4- تاكسيات روبوتية:
الشركات اليابانية بتتسابق على تحديث وتخصيص تاكسيات هتقوم بنقل السياح والمشاركين في الدورة الأولمبية من أماكن إقامتهم لأماكن المباريات
.
5- الوقود الحيوي:
الحكومة اليابانية بتخطط لإستخدام الوقود الحيوي من الطحالب لتشغيل الأتوبيسات والطيارات بالمشاركة مع جامعة طوكيو وشركة الخطوط الجوية اليابانية وNippon Airways
.
6- قرية الهيدروجين:
الحكومة اليابانية بتخطط لصرف مبلغ 330 مليون دولار أمريكي لتطوير استخدام الهيدروجين كمصدر للطاقة وبناء قرية كاملة بتشتغل بالهيدروجين كمصدر للطاقة
.
7- أمطار النيازك الإصطناعية:
الشركة اليابانية ALE الخاصة بالفضاء بتخطط بالتعاون مع جامعات يابانية لتصميم نيازك صناعية هيتم إطلاقها في عروض كأنها نيازك حقيقية.. الحدث ده هيكلف حوالي 4 مليون دولار أمريكي وهيبقى بيحاكي تماما النيازك الحقيقية وشكلها الجذاب
.
8- قطارات فائقة السرعة:
الحكومة اليابانية بتجهز لإستخدام قطارات فائقة السرعة اللي بتوصل سرعتها لحوالي 600 كيلومتر في الساعة.. الحكومة فعلا جربت القطار واشتغل بجودة خيالية بس بتستهدف تشغيله في طوكيو اثناء دورة الألعاب القادمة..

كتابة : أحمد السنهوري

Share

Suggestions

Back to Top