الرئيسية / المقالات /
1994 مشاهدة13 نوفمبر 2022

كورسات مجانيه مقدمه من أكاديمية Saylor Academy الامريكيه - STJEGYPT

كورسات مجانيه مقدمه من أكاديمية Saylor Academy الامريكيه - STJEGYPT


فى مؤسسة أمريكية غير هادفة للربح بنت ناس محترمين عاملين أكاديمية أونلاين إسمها Saylor Academy، بتقدم محتوى تعليمي مجانى، عالى الجودة ومتاح للجميع فى مواضيع مختلفه فى البيزنس وكورساتهم قوية جدا عن تجربة، عاملين حزمة مكونة من خمس كورسات لغة إنجليزيه للناس اللى الإنجليزى عندهم لغة تانيه زينا كدا، الكورسات مجانية ومدتها حوالى 56 ساعة دراسية بتأهلك إن مستواك يوصل لـ C2 ودا هو المستوى الأخير فى اللغه الانجليزيه.

الكورسات دى بتشتغل معاك على الكلمات، القواعد، الكتابة، الاستماع، الميزة فى الكورسات أكتر من الداتا هى وجود خط سير ممنهج تقدر تمشى عليه ودا بيكون أفضل جدا.

الحزمة مكونة من خمس كورسات زى ما قلت لحضرتك وأولهم:

 الكورس الأول: المستوى المبتدئ
ESL001: Elementary English as a Second Language

الكورس مدتة 10 ساعات دراسية ومكون من أربع وحدات وبيوصلك لمستوى A2، زى ما مذكور فى وصف الكورس بموقع الأكاديمية.

 الكورس التانى: المستوى المتوسط
ESL002: Intermediate English as a Second Language

الكورس مدته 10 ساعات دراسية ومكون من أربع وحدات وبيوصلك لمستوى B1، زى ما مذكور فى وصف الكورس بموقع الأكاديمية.

 الكورس التالت: المستوى فوق المتوسط
ESL003: Upper-Intermediate English as a Second Language

الكورس مدته 12 ساعة دراسية ومكون من أربع وحدات وبيوصلك لمستوى B2، زى ما مذكور فى وصف الكورس بموقع الأكاديمية.

 الكورس الرابع: المستوى المتقدم
ESL004: Advanced English as a Second Language

الكورس مدته 12 ساعة دراسية ومكون من أربع وحدات وبيوصلك لمستوى C1، زى ما مذكور فى وصف الكورس بموقع الأكاديمية.

 الكورس الخامس والأخير: الإحتراف فى الإنجليزية للأعمال
ESL005: Business-Proficient English as a Second Language

الكورس مدته 12 ساعة دراسية ومكون من أربع وحدات وبيوصلك لمستوى C2، زى ما مذكور فى وصف الكورس بموقع الأكاديمية.
.

ملحوظات مهمة: عشان تحقق أقصى إستفادة هتعمل الآتى:

أولاً: ذاكر على مهلك ومتخليش همك الشهادة فقط، شهادتك فى الإنجليزى هى مهارتك فى اللغة.
ثانياً: إعمل خطة للكورس وجدول زمني وحط القدر اللى تقدر عليه ولو كان قصير، قليل دائم خير من كثير منقطع.
ثالثاً: دور على حد يشاركك رحلة التعلم عشان تشجعوا بعض وتمارسوا اللغه سوا ودا أهم شيئ.

لينكات الكورسات كلها مباشرة هتلاقيها هنا


Saylor.Org Course

Saylor.Org Website


Share

Suggestions

Back to Top