أبلكيشن كتكوتي
كتكوتي أبلكيشن فيه كل اللي محتاجه في حياتك، من وقت ما تفتح عينك لعند ما تخلد إلى النوم في سلام
بواسطة | أسماء صبرة
هتلاقي فيه منبه يصحيك حسب مودك والحالة اللي أنت فيها ، وبيشجعك لإنجاز مهام يومك بأصوات ونغمات رايقة كلنا بنحبها بتختارها حسب مودك
في حالة انك مكسلة مثلاً يبقي ملناش غير فيفي عبده وهي بتقول :
"قومي يابت قومي شوفي شغلك وشوفي مصالحك"
عندك امتحان ومزنوق مدحت شلبي وهو بيقول :
"واحدة واحدة بتجري ليه واحدة وواحدة ورانا اي"
نومك تقيل ومحتاج تصحي تختار محمد ثروت وهو بيقولك :
" يارب صبحنا وربحنا وبين عبادك ما تفضحنا " أو " اصحي يا شلبي "
فاقد الشغف صوت غريب وهو بيقول :
"توت توت توت توت شد حيلك يا كتكوت"
ونغمات غيرهم كتير
هتلاقي فيه برطمان سعادة إلكتروني، تاخد منه المسدج اللي تظبط مزاجك.
زغروطة من الكتكوت بعد كل تاسك تنجزه في يومك.
سلسلة التغيير كاملة لـ دكتور أحمد سمير
هتلعب بالعجلة وتشوف حظك مخبي ايه.
هتفضفض بكل اللي جواك مع الكتكوت بالكتابة أو بصوتك والكتكوت هيحوله لكلام في حالة إنك مكسل تكتب.
عيد ميلادك هيحتفل بيه قبل ما يجي اليوم بتاعه.
كل ده وأكتر هتلاقيه في "كتكوتي" وفكرة إنك تلاقي الدعم لما تكون فاقد الشغف من كتكوت موجود طول الوقت ع الفون بتاعك فكرة عظيمة جداً
