تعتبر الشركة الالمانية اديداس من البراندات المعروفة جداً و بيشتغل فيها اكتر من 50 الف موظف
و بتيجى فى المرتبة ال 70 فى اكتر البراندات تأثيراً فى العالم و رقم 2 فى البراندات الرياضية بعد العملاقة الامريكية نايكى
من القصص الطريفة المعروفة عن اديداس و مؤسسها ادولف داسلر ، انه قبل الحرب العالمية التانية فى المانيا كان داسلر و اخوه رادولف شغاليين فى مصنع ابوهم بتاع الملابس و الاحذية و بعد وفاة الاب اتخانقوا الاتنين مع بعض و مع اندلاع الحرب العالمية كل واحد اخد نصيبه و فتح لوحده شركة ففتح ادولف شركة اديداس و فتح رادولف شركة بوما :D
و اشتدت المنافسة بينهم و سيطرت اديداس على رعاية المنتخب الالمانى و رياضيين معروفين زى محمد على كلاى اما بوما اشتهرت اكتر بعد لما بيليه و مارادونا لبسوا حذاء بوما الرياضى و لعبوا بيه
و فضلت المنافسة بين الاخوين و الشركتين لحد يومنا هذا !
بس طبعاً فارق كبير لأديداس بسبب سيطرتها على معظم السوق الرياضى العالمى زى شراكتها مع الفيفا و رعاية منتخبات و فرق و رياضيين مشاهير زى المانيا و اسبانيا و الارجنتين ، ريال مدريد و ميلان و تشيلسى ، و ميسى و سواريز و كاكا
